КЭФ’23: “РУСАЛ” компаниянаң палғалыс пиктелче
02.03.2023
Хабарлар
Киӌее Хакасия пазы Валентин Коновалов Хызылчардағы экономика форумында тоғынып пастаан. Пастағы тоғазығ “РУСАЛ” компанияның региондағы политикаӌа паза устағ-пастағның паза ӱлгӱ органнарының хада-пірге тоғынарынӌа вице-президенті Елена Безденежныхнаң ирткен. Олар, пірге тоғыс салтарларын ӱзӱріп, нинӌе-де кöстегӌе хада-пірге тоғынар чолларны кöр салғаннар.
Таныхтирға кирек, ирткен чылда кӱскӱзін Хакасия правительствозы паза “РУСАЛ” компания Саяногорск хыринда алынӌа экономикалығ орынны - Хакас технология ойымын - тöстирінӌе тоғысты пастабысханнар. Аны хоостыра алюминий компаниязының амғы сығарыстарын алғыдары, резиденттерні тартары паза 800 азыра тоғыс орнын тöстирі кöрілче.
Аннаң пасха «РУСАЛ» Хакасияның аал хонии тилізіне хозым итче. Ирткен чылда компания банкрот поларға тимде “Копьевскай” СПК-ның активтерін алып алған. Пӱӱнгі кӱнде предприятиеде таарығ чирлері хозылған, тоғыс орыннары тöстелген, мал öскірӌең комплекс пӱдірері паза сығарысты алғыдары кöрілче.
- Алюминий сығарчатхан килкім компания Хакасияның турист кöстеен нааӌылирына кöп ниме итче. Кöзідімге, “Гладенькая” сананаң чылӌаң курортты иптепче. “РУСАЛ” ідöк региондағы чахсы оңдайлығ пасха орыннарны тилідерінӌе республика правительствозынаң хада-пірге тоғынарға тимде, - чарытхан Валентин Коновалов.
Тоғазығда ідöк социальнай инфраструктураны тöстирінӌе, спорт паза хазых пиктеӌең пӱдіріглер турғызарынӌа паза пасха даа пірге проекттерні чуртасха кирерінӌе хада-пірге тоғынары ӱзӱрілген.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде