Хакасиядаңар кöзідіг - Хазна Думазында
15.03.2023
Хабарлар
Киӌее, кöрік айының 14-ӌi кӱнінде, Россияның Хазна Думазында “Хакасия. Пис кӱс чирі” кöзідіг азылды. Аннаңар искірче республика пазы Валентин Коновалов.
Кöзідігні азарында кöп кізі араласхан, ол санда думадағы прай фракцияларның депутаттары. Аймах партия кізілері чоох тутханнар: Геннадий Зюганов (КПРФ), Шолбан Кара-оол («Единая Россия»), Геннадий Семигин («Справедливая Россия-Патриоты-За правду»), Алексей Диденко (ЛДПР), Николай Валуев («Единая Россия»), Сангаджи Тарбаев («Новые люди»).
- Пістің кöзідігні хынып кöрчелер, - таныхтапча Валентин Олегович. - Ол ӱстӱнзархы Сибирьнің, пістің Хакасияның тархынын, культуразын, чир-чайаанын паза чуртазын читірче. Хыри-пазы чох чазылар, чылығ тан, илбек Сойан тағлары паза тайғазы, ағын суғлар паза кöллер, нымзах кӱнніг климат. Муңарлап чыл пістің чир кізі хайиин тартхан паза ам даа чыл сай тиксі Россиядаң паза хырығ озаринаң чӱзерлеп муң турист кил парча.
2021 чылда “Пис кӱс чирі” турист таңмазы чарадыл парған. Ол чарых от, им-томнығ суғ, чазы киизі, пай чир “пизінӌі кӱснең”, тархыныбыс кӱнінең, піріктірілгенін киречілепче. Хакасияда пурунғы паза амғы чуртас пик палғалыс парған.
- Пістің 2019 чылда алылған амғы чуртас-экономика тилізі стратегиябыс ідöк пис тиліс кöстеенең пӱтче, - чарытча республика пазы Валентин Коновалов. - Пис кöстегнің ööні - кізі, Хакасия чуртағӌызы, аның оңдайларын тилідері. Кізі, хайзы Хакасияда позының соонда 30 муң азыра пурунғы тархын хумартхызын артыс салған, чирде тоғынчатхан кізі, промышленностьты тöстеен, Кимні аптап алған кізі, кем пӱӱн дее республикабысты чахсыландырарын узаратча. Піс кізі республикада чуртирға, сöбіре тöстирге, палаларын öскірерге, сағыстарын чуртасха кирерге оңдайларны тöстирге кӱстенчебіс.
Тöрт чыл аразына республика правительствозы Хакасия бюджедін 2 хати öскіріп алған. Ахча суриин иптеп алған сылтаанда социальнай кöстеге, чуртағӌыларға хабазарына хорадығлар даа öскірілген.
Хазых хайраллирына паза спортха хорадығлар 3 хати öскірілген, ӱгредіге паза культураа - 2 хати. Чыл сай регионда сығарылчатхан ниме-ноо сині öсче, экономикаа кирілчеткен инвестициялар хозылча.
- Туризм паза тынағ инфраструктуразын тилідерінӌе, туристтерге чапсых ниме-ноо тимнирінӌе сурығны алынӌа хайығда тутчабыс. Пу кöстеге хорадығлар пис хати öскірілген, - ӱлесче республика пазы. - Хакас чирі аалӌыларға даа, наа чуртағӌыларға даа хаӌан даа азых! Піс прайзын пурунғы чирібіссер кил парарға, пурунғынаң амғы тус палғалыс парғанын пос хараанаң кöріп аларға, пис кӱсті поста сынап кöрерге хығырчабыс!
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде