СЫҒАРЫЗЫН АЛҒЫТЧА
14.04.2023
Хабарлар
Тоғыс чорығы. Хакасия пазы Валентин Коновалов пу наада тоғыс чорығынаң «Конвейерные технологии» ООО-да пол килді
Хакасия пазы Валентин Коновалов республиканың промышленность предприятиелерінде удаа поладыр. Халғанҷы андағ чорыхтарның пірсі Саяногорск городта орныхчатхан «Конвейерные технологии» ООО предприятиезі полған. Валентин Олегович предприятиенің тоғызынаң танысхан, тоғынҷыларнаң чоохтасхан.
Пу предприятие ис-пай анирында, машина cығарызында, имнер сығарызында паза ас-тамах промышленнозында киректелчеткен ниме-нооны сығарча. Ирткен чылда ол «Хакасияның промышленнигі» марығның чиңісчізі полыбысхан паза сығарысты алғыдарына регион правительствозынаң льготалығ ӧдісті алған.
– Чир-чайаанға ӱрег ағылбинчатхан экономиканы тилідері, тимде ис-пайны анирынаң палғалысты синдірері – республика правительствозы тоғызының ӧӧн кӧcтеглерінің пірcі. 2022 чылда Хакасияның бюджедінең полызып, піс сығарыс предприятиелеріне 170 миллионҷа салковай позытхабыс. «Конвейерные технологии» ООО устағ-пастаа сығарысты паза аны садар орыннарны алғыдарға, наа тоғыс орыннарын тӧстирге пӧгінче. Пӱӱнгі кӱнде ол уғаа кирек, хаҷан хатығластар хыза пасчалар, импорт ниме орнына хазна істінде сығарыс киректелче, – таныхтаан Валентин Олегович.
Автор :
Тимнеен Наталья СЮПТЕРЕКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде