Матырларны хумартхылаан
30.05.2023
Хабарлар
Тоғыс чорығы. Республика пазы Валентин Коновалов тоғыс хоостыра Луганскай чон республиказынзар парыбысхан
Хайди искірче Хакасия пазы Валентин Коновалов Телеграмм-каналда, киҷее ол Свердловсктың паза Свердловскай аймахтың пазы Андрей Сухачёвнаң хада Сталинградтағы чаалазығ Матырлары адын ал чӧрчеткен парктағы Чобағ мемориалынзар тіріг чахайахтар салған.
– Илбек Ада чаа чылларында паза ӧнетін чаа операциязы тузында нацизмнең тоғыр чаалазып чуртастарын пир салғаннарны хумартхылабыс, – пасча Валентин Коновалов.
Андағы чааҷылар сыырадында Илбек Ада чаа тузында Миусскай хырығда чаалазып чуртастарын пир салған, госпитальларда ӱреен Свердловсктың 227 чуртағҷызы чатча. Ол санда «Чиит гвардия» чииттернің подпольнай ӧмезінің араласчылары, оларны город оккупациязы тузында фашисттер ат салғаннар, паза Совет Союзының ікі хати Матыры Николай Горюшкин.
Нинҷе-де чыл мының алнында анда Донбасс арачылағҷыларына паза 2014 чылда украинскай чаа кӱстеріне чаалаттырып чуртастарын чідіргеннерге хумартхы танығ турғызылған.
– Піс пос чуртас ӱчӱн паза Чир-суубыс пос алынҷа полары ӱчӱн кӱрескеннернің алнында тӧлеп полбас алымнығбыс. Оларның махачы киректерін сағыста тудары паза аны соондағы тӧллерге читірері – пістің ызых ӧдізібіс, – таныхтаан Хакасия пазы Валентин Коновалов.
Сом Хакасия пазының Телеграм-каналдағы страницазынаң
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 1 | 2 | 3 |
Кӱн таңмазы
Хакасияда
Россияда
Тилекейде