Ойнапчабыс, ӱгренчебiс
02.02.2024
Хабарлар
Ағбандағы «Росинка» олған садында «Ойнапчабыс, хакас тiлiн ӱгренчебiс» проект чуртасха кирiлче.
Пу проект Хакасияның ӱгредiг паза наука министерствозының хакас тілін тилідер грант ахчазын утхан. Аның синi 390 муң салковай. Пу ахчаа олған сады мультипликация студиязын, опыттар паза эксперименттер иртіреріне саннығ лаборатория алған паза даа пасхазы.
«Росинкада» хакас тiлiн тӧрт группада ӱгренчелер. Тимнеглiг группаның воспитательлерi олғаннарнаң хада «Наураша» саннығ лабораторияда тоғынчалар, мультстудияда – улуғ группадағылар, кiчiглерi, тiзең, аймах пособиелер полызиинаң хакас тілін ӱгренчелер.
Проект тоозылза, иркеҷектер хакас тiлiнең ӧӧн сӧстернi пiлерге киректер. Анзын часхызын паалирға чарир. Хосхар айында воспитательлер проекттiң салтарын кӧзідерлер.
Сом абакан.рф сайттаң
Автор :
Ағбан город устағ-пастааның хабарлар пӧлии
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы