Прививка – прайзына
14.02.2024
Хабарлар
Кӱн cурии. Прай малға узелковай дерматиттең тоғыр вакцина турғызылар
Азығ айының 11-ҷi кӱнiнде Хакасиязар чуғынҷах узелковай дерматит мал ағыриинаң тоғыр вакцинаны ағыл килгеннер – 1 млн 430 муң доза. Ол республикада прай малларға прививкалар турғызарына кӧрiлген. Азығ айының 12-ҷi кӱнiнде Хакасияның аал хонии паза ас-тамах министерствозынзар аймахтардағы ветеринар службазының кiзiлерi вакцинаны апарарға кил парғаннар.
Ветеринар устанызының сананызынҷа, азығ айының 12-ҷi кӱнiне ағырығ сығысхан аймахтарда 229 муң пас ибдегi малға вакцина турғызыл парған. 168 муң пасха прививка хатап турғызылған. Ағылған вакцина республиканың пасха даа аймахтарынҷа тарадылар. Мал имҷiлерi тиксi 450 муң пас ибдегi малға вакцинаны iкi хати турғызарлар.
Специалисттернiң таниинаң, малға узелковай дерматиттең тоғыр пастағы вакцина турғысхан соонда 31-ҷi кӱнiнде ле ағырығдаң тоғыр иммунитет сығысча. Пу даа туста малны сығарарға чарадылбинча. Аннаң пасха, малларны аар-пеер тарт чӧрерге, сӱрерге паза Хакасиядаң иттi, сӱттi сығара тартарға чарадылбинча.
Чағынғы кӱннерде прай ибдегi малларға прививка турғызарынҷа тоғыс пасталар.
Автор :
Алексей Баинов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы