Россияның сын элитазы – істенҷілер паза чааҷылар
29.02.2024
Хабарлар
Президент айланызы. Россия президенті Владимир Путин, Федеральнай Чыылығзар айланып, хазнаның чағынғы алты чылына кӧcтеглер турғысхан. Айланысча сағыс-кӧрістерінең ӱлескеннер республика пастыхтары
Хакасия пазы – Хакасия Правительство кнезі Валентин Коновалов:
– Россия Президентінің Федеральнай Чыылығзар айланызын читірер церемонияда араластым.
Владимир Владимирович позының чооғында чоннар аразындағы халых-политика киреен паалаан, чааҷыларыбысха хабасчатхан, хазнабыстың суверенитедін тилідеріне паза тыыдарына хозым итчеткен чир-суғҷыларны алғыстаан, Ада чир-суубыстың экономиказы тилізінҷе планнарны таныхтап салған.
Ол кӧп палалығ сӧбірелерге наа хабазығлар кирерге чахаан: социальнай чӧптезіг программазын алғыдарға, палаларға налог вычеттерін ӧскірерге, іҷе капиталы паза льготалығ сӧбіре ипотеказын узарадарға паза пасха хабазығларны кирерге.
Ӱгредігде школалардағы паза ортын профессия ӱгредии учреждениелеріндегі директорларның воспитаниеҷе чӧпчілеріне хоза тӧлеглер кирілгеннер, класс устағҷыларына паза колледж-техникумнарда кураторларға тӧлеглер ӧскірілген. Вузтарда алынҷа предметтерҷе ӱгретчілерге чал ахчазы ӧскірілер. Ӱгредіг инфраструктуразын тилідеріне хоза ахча позыдылар.
Пос технологияларын тӧстир ӱчӱн пӧзік технологиялығ сығарыстарға хабазығ ӧскірерге, 100 азыра технопарк тӧстирге, наука-істезіг паза опыт-конструктор тоғыстарына, саннығ паза арған сағыс технологияларына кірерге хорадығларны ӧскірерге пӧгін турғызылған.
2024 чыл тоозылғанҷа Россияда наа нацпроекттер тимнелер: «Сӧбіре», «Россияның чииттері», «Кадрлар», «Узах паза ӧткін чуртас», «Даннайлар экономиказы».
Президент регионнарның бюджет кредиттерінін 2/3 чардығын чабызарға, кічіг городтарның паза аалларның, транспорт сетьтерінің, городтың истіг оңдайларының, ЖКХ-ны нааҷылирынҷа тиліс программазын алғыдарға чӧп пирген.
Владимир Владимирович ибіркі чир-чайаанны хайраллирына алынҷа хайығ айландырған. Экология паза чир-чайаанны хайраллаҷаң орыннар чыындызын тӧстирі, ӧӧн экология программаларын узарадары, экология туризмін тилідерге инфрастурктура тӧстирі кӧрілче.
Президент таныхтаан, Россияның сын элитазы – ол Чир-сууна киртінізін пос киреенең киречілеен істенҷілер паза чааҷылар, че 1990 чылларда хазнабысты тонаан улус нимес.
Сом Валентин Коноваловтың ВКонтакте социальнай сетьтегі страницазынаң алылған
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде