Флагтар тӱзірілген
23.03.2024
Хабарлар
Хакасия правительствозы туразында Россия паза республика флагтары тӱзірілген. Ол Хакасия хазна чобаанаң ӱлесчеткеніне иділген.
Ағаа хоза республика пазы Валентин Коновалов оперативнай штаб чыылиин иртірібіскен. Аннаңар ол позының социальнай сетьтердегі страницаларында искірче.
Киҷее Москва алтында хорғыстығ теракт ирткен.«Крокус Сити Холл» концерт залында камуфляжтығ кип-азахтығ кізілер андағы кізілерҷе ат сыхханнар, чара чачырастар полған, концерт залының туразының илееде чардығы ӧртке хабылған. Кізілер ӱрееннер паза палығлатханнар.
– Пӱӱнгі кӱнде пістің ӧӧн пӧгінібіс — Хакасияның чуртағҷыларына хорғыс чох поларына прай кирек тоғысты толдырарға, – таныхтаан Валентин Коновалов.
Понедельникте, кӧрік айының 25-ҷі кӱнінде, оперативнай штаб хатап чыылызар. Ағаа читіре республикада ӱтертіс, культура паза спорт мероприятиелерін иртірерге чарадылбинча.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы