КРЕСЕН-ФЕРМЕР ХОНЫХТАРЫ АССОЦИАЦИЯЗЫНАҢ ЧӦПТЕЗІГ
01.07.2016
Хабарлар
Хакасияның аал хонии паза ас-тамах министерствозы, Сибирьнің кресен-фермер хоныхтарының паза агропромышленнай комплекс организацияларының ассоциациязы пірге тоғынардаңар чӧптезігде хол салыбысханнар.
Ассоциацияның ӧӧн пӧгіні -кресен-фермер хоных пастарының, пос хониинаң айғасчатханнарның, аал хонииндағы коммерческай паза коммерческай нимес пірігістернің праволарын арачылиры, аалдағыларның чуртазын чахсыландырарына, аалларны тилідеріне хабазары.
Ассоциацияа аал хониинаң айғасчатхан хайдағ даа кізее паза юридическай лицоға кірерге чарир. Пірігіссер кірҷең тӧлег - 3000 салковай, анаң ай сай 1000 салковай тӧлирге кирек.
Пірге тоғынар чӧптезіг хоостыра аалда кічіг хоныхтарны, кооперативтерні тилідерінҷе, аал хониинзар чиит тоғынҷыларны тартарынҷа тоғынары, ідӧк аалларны тилідерінҷе паза республика чуртағҷыларына чахсы ас-тамах читірерінҷе чӧптер тимнирі кӧрілче.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде