ІКІ МУҢ АЗЫРА ЧУРТАҒҶЫ ПӦЗІК ИМНЕГ ПОЛЫЗИИН АЛҒАН
01.07.2016
Хабарлар
Хакасия пазы Виктор Зимин тоғыс хоостыра республиканың хазых хайраллаҷаң министр Наталья Коганнаң тоғасхан. Иң пурнада Наталья Коган имнег полызииның наа кӧстеглерінеңер искipген. Чоох парча пӧзік технологиялығ полызығдаңар, хайзынаң регионның 2,5 муң чуртағҷызы пылтыр тузаланған. Ол санда 554 кізі, хырығ озаринзар парбин, Хакасияда имненген.
- ГІӧзік технологиялығ по-лызығ пирерінде пис имнег ор-ганизациязы лицензия алған. Амды аннаң пістің чуртағҷы-ларыбыс тузаланчалар. Аның алнында пу кӧстеглерҷе имнег полызии федеральнай кіннер-де ле пирілҷең, - таныхтаан Наталья Коган.
Лицензияны республиканың паза Ағбанның имнег турала-ры, онкология диспансері, офтальмология паза пала тапчаң тура алғаннар. Олар мындағ кӧстеглерҷе имнег полызиин пирчелер: стентирование, ко-ронарография, сӧӧктерге опе-рациялар иртірері, харах мик-рохирургиязы паза даа пасха-зы.
Республиканың хазых хай-раллаҷаң министрі таныхтаан, кӧп кізі имнег полызиин мах-тапча. Министрнің искіриинең, пазағы чылда имненерге са-
ғынчатханнарның саны хозы-лар.
Хакасия пазы хазых хайрал-лаҷаң министерство устағҷы-зын тоғызы ӱчӱн алғыстаан. Анаң олар Боград аймааның ӧӧн имнег туразындағы кирек-терні ӱзӱргеннер.
2011 чылда чир тітіреенде, Боград аймааның ӧӧн имнег ту-разы сала изел парған. Пӱӱл имнег туразынын, теестегі экс-пертизазы иртірілгенде, изел-четкен тура чонға хорғыс ағыл-ча тіп искірілген. Анда тыхтағ тоғызын итчее чоғыл, мыннаң мындар имнег туразынаң туза-ланарға чарабас.
- Изелчеткен имнег туразын хыйа идіп, нааны пӱдірерге ки-рек, - теен Наталья Коган.
Аны хоостыра Хакасия пазы пасха министерство-ведомст-воларға Боградта наа имнег туразын пӱдірердеңер прай су-рығларны пӧгібізерге чахығ пирген. Пӱдірігні 2017 чылда пастирға пӧгін турғызылған.
- Имнег туразы чох чуртир-ға чарабас. Анда чуртағҷылар полызығ алчалар, - теен Виктор Зимин.
Пу кӱннерде, регион устағ-ҷызының чахиин толдырып, Наталья Коган Хакасия пазы орынҷызы Ирина Смолинанаң Москвазар чорыхха сығарлар. Анда олар Россияның хазых хайраллаҷаң министрі Вероника Скворцованаң тоғазарлар. Тоғыс чорығы соонаң наа имнег туразы хаҷан пӱдірілері піл-дістіг полар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Россияда
Тилекейде