АЛЫЗЫҒЛАР САЛҒАҒЫНДА
01.07.2016
Хабарлар
Пiстiң республикадағы Таштыптағы 16 №профтехучилищенi пiлчеткен кiзi кӧп полар, неке. Алтон азыра чыл аал хониина пілістіг тоғынҷылар тимнепчеткен ӱгредіг заведениезі илееде специалисттерні позының стенелерінең сығар салған. Амғы туста ол, сидік оңдайларға пастырып, тоғызын тилідер наа оңдайлар тілепче.
Кӧп кізі, ӱгредии хоостыра аал хониинда істеніп, пӧзік чидіглерге читкен. Улуғ устағҷыларға ӧс пар-ғаннар парох. Оларның санында республиканың ӱгредіг паза нау-ка министрінің орынҷызы Юрий Гаврилович Сагалаковты адирға чарир. Школа соонаң ол Таштып-тағы профтехучилищеде піліс тас-хылларынзар чолын асхан. Пу учи-лищенің чидіглерін пӱкӱлее алза, республиканың аал хониина специ-алисттер тимнирінде хозымы уғаа улуғ.
Наа ла азахха турчатхан туста, пу ӱгредіг заведениезінің ӱгренҷең орыннары ікі хадыллығ ағас тура-да орныхчаң. Ӱгренҷілернің кӧп са-базы, тізең, ибіркі ааллардаң чыыл-ған чииттер полҷаң. Оларға чурта-ҷаң орынны Таштып аалның андағ-мындағ пос тураларында пирҷеңнер. Азыранарға Таштыптағы столо-вайзар ал чӧрҷеңнер. Ӱгренҷілер, прайзы тӧӧй иде тонаныбызып, чааҷылар чіли стройнаң чӧрҷең-
нер. Ол туста училищені ноға-да «Механизация школазы» тіҷеңнер.
Пӱӱнгі кӱнде Таштыптағы 16 № профтехучилище ікі хадыллығ кір-пис турада орныхча. Аннаң хости пис хадыллығ общежитие турча, Позының чылығ пирҷең котель-найы, гаражы, мал тутчан, хазаа-лары, спортзалы, уғаа иптіг, аллығ актовай залы, улуғ столовайы пар. Чахсы ӱгреніп, спортнаң айғазар-ға, культура саринаң тиліп одыр-арға прай оңдайлар пирілче.
Че чуртас пір орында турбинча. Пастағы чылларда мында «алғым профильліг тракторист-машинист»
паза «комбайнер» специальность-тарға ла тимнеҷең ползалар, соонаң оларның санын алғытхан-нар. Пӱдірігҷілерге, садығҷыларға, чиис тимнеҷең устарға, бухгалтер-лерге, кип-азах тікчең устарға ӱгрет сыхханнар.
Амғы туста училище сидік оң-дайларға пастырча тиирге чарир. Чылдаң чылға угренҷілер группа-ларын тӧстирге сидік пол сыхты. Амды ӱгредіг киреенде ахчаны ӱгренҷілер санынаң палғалыстыр салғаннар: асхынах ӱгренҷі бюджеттең ахча ідӧк тӧбін пирілче. Ағаа хоза, пӱӱн профтехучилище-лерні техникумнарға, колледжтер-ге айландырчалар. Че андағ синге чидіп алар ӱчӱн, кӧп тоғыс идерге кирек. Прай нимее ахча кирек. Андағ кӱстер чоғыл нооза. Іди наа
оңдайнаң тоғынмазаң, тастыхти тур халарзың.
Ол киректі сизініп, Таштып ай-мааның пазы В.И.Шулбаев ӱс чыл мының алнындох пу сурыға хайығ айландырған. Чағдапча тустар, хаҷан училище позының ӱгредіг синінең амғы чуртаста кирексінізін чідір салар теен ол. Аны санға алып, пу ағырсымнығ сурығны ӱзӱріп, пір ле чыылығ иртірілбеен. Аймахтағы прай устағҷыларнаң хада наа чоллар табарға кӱстеніс иділген. Чонға тоғыс тапчаң кін, ӱгредіг пӧлии, экономика тоғын-ҷылары постарының кӧрістерінең ӱлескеннер. Амды чоохтардаң сын киректерзер айланар тус чит килді тиирге чарир.
Чайғының пастағы айында Таштып чирінде пол пардылар Хакасия правительствозының тоғынҷылары, ол санда республика пазының орын-ҷызы И.Г.Смолина, хазых хайрал-лаҷаң министр Н.В.Коган, регио-нальнай имнег страхование фон-дының устағҷызы Л.А.Бурнакова, ӱгредіг паза наука министрі Г.А.Салата, істеніс паза социальнай ти-ліс министрі Н.Н.Карамашева.
Оларны удурлааннар Таштып аймааның пазы В.И.Шулбаев, де-путаттар чӧбінің кнезі В.Д.Сазана-кова, аймах пазының пастағы орын-ҷызы В.Н.Филимонова паза аймах-тағы пӧліктер пастыхтары. Пу чыы-лысхан улус улуғ чыылығ иртір-ген. Олар Таштып аймааның прай даа социальнай сурығларына теел-геннер.
Чыылығ пасталар алнында Ағ-баннаң килген аалҷылар Таштып-тағы 16 № профтехучилищеде ки-ректер хайди парчатханын сыных-тааннар. Училищені пӱкӱлее кӧріп алған соонда, Ирина Смолина таныхтаан:
- Піс ізенчебіс, Таштып аймаанда ағас тоғызы чахсы тилир. Аннаңар орындағы профтехучилище ағас-наң тоғынҷаң ортымах ӱгредігліг специалисттерні тимнир тіп сағын-чабыс. Пу чылдох ол лицензия алып алар. Профессиональнай Угре ді где мындағ алызығлар чолына кірген пастағы «харачхай» полар. 2017 чылда пастағы ӱгренҷілерні ағас киреене ӱгредіп пастирлар. Че тоғыс пӱӱнӧк пасталыбысхан тиирге чарир. Училище аймахта ағас-наң айғасчатхан улуғ предприя-тиелернең чӧптезіглер ит салтыр.
Тоғысчыларға хысхаҷах курстар иртірчелер. Хада-пірге тоғыс пас-талыбыстыр. Аны училищенің таң-дағызы тиирбістер. Піс позыбыс-тың саринаң полызығ пирербіс. Че ӧӧні олар по стары хайди кӱстен-генінең полар, хайди пастап алған киректерін мыннаң мындар апар-арлар.
Пӱӱнгі чуртас оңдайлары уғаа табырах алызып одырчалар. Ол айланыста чапчаң тудынмазаң, сидік чуғар. Ағаа хоза, ӱлгӱдегі-лер кӱстенҷіктерге полызарға ха-расчалар.
- /кінҷілес чоғыл, - таныхтаан республика пазының орынҷызы, -Таштыптағы училищее полызығ хайди даа кирек. Че хайығ айлан-дырыңар, мында уғаа кӱстіг ӱгрет-чілер коллективі, чахсы ӱгредіг оңдайлары, постарының кибірлері пар. Ӱгредіг паза наука министерство зы, мындағ училищелер ал-нынзар чахсы хаалазыннар тіп, кӧп тоғыс итче. Тиктең нимес Виктор Михайлович Зимин экономика ти-лізі чӧбінде таныхтаан: Таштып аймааның паза А база городтың ағас тоғызын мыннаң мындар хада-пірге чахсы синде апарар килкім планнары пар. Олар кӧмес-тең чуртасха киріліп одырчалар. Ол саринаң Таштыптағы профтехучилище ағас тоғызына киректел-четкен специалисттерні тимнирін позына алып аларға тимде. Ӱгрет-чілер ӧмезін хайдағ чолҷа апарар кӧрізі, планнары пар паза хайди оларны толдырарға пӧгіннері тимде. Ағаа хоза, піс Василий Иванович Шулбаевнең полызығ пир-ҷең кізілерні табар оңдайлар кӧр-глирге чӧптезіп алғабыс.
Минің кӧрізімнең, Таштыптағы 16 № профтехучилищенін, мыннаң мындархы чуртазын тилідер чол-ларны тілепчеткені уғаа махтағ-лығ. Кӧп чыллар чонға туза ағыл-чатхан ӱгредіг заведениезі чабыл парза, ачырғастығ полар. Піс прай-зыбыс кӧрчебіс нооза, хайди тоғы-зын тохтатхан предприятиелер харах кӧзіне изел парчалар. Кӧзі-дімге алза, хаҷан-да кӱстіг совхоз-тар полған орыннарда изел парған хазаалар ла турғлап халған. Амғы туста, уғаа чахсы материальнай базалығ училищее андағ ӱлӱс тӱс парбас ӱчӱн, орындағы устағҷы-ларға кӧп кӱстерін, пілістерін са-ларға кирек. Пӱӱнгі кӱнде андағ то-ғыс парчатханы Таштыптағы 16 № профтехучилищее таңдағызына ізе-ніс пирче.
Георгий КУНУЧАКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде