ИДІНҶЕКТЕРГЕ ТУЗАЛЫҒ ЧЫЫЛЫҒ
01.07.2016
Хабарлар
Пу наада Ағбанның устағ-пастаа туразында Хакасияның экономика
министерствозының тиксі инвестицияларны кӧрерінҷе паза идінҷектерге чахсы оңдайлар тӧстирінҷе чыылии ирткен. ЧыылығаАғбандағы тӱзімніг паза наа ла тоғынчатхан идінҷектер килгеннер. Чыылығны апарғаннар республиканың экономика министрінің пастағы орынӌызы Александр Терещенко паза Ағбан пазының пастағы орынӌызы Нина Бельтикова.
Александр Терещенко Россия-да 2030 чылға теере кічіг паза ортын предпринимательство тилі-зінің стратегиязы алылғаннаңар искірген. Наа чарадығҷа идінҷек-терге хазна хабазии пирілер, че аның чардығын хазнаа нандыра
айландырарға киректелер. Андағ оңдайнаң идінҷектерге хабазығ фонды тӧстелер. Хазнаның пӱӱнгі
социальнай паза экономика чурта-зын кӧрзе, идінҷектерге ол оңдай-ларға тӧстенерге кирек.
Чыылығда республиканың экономика министерствозының предпринимательство паза инвестиция
тилізі департаментінің устағҷызы Татьяна Речкова, предпринима-тельстваа хабасчаң кіннің дирек-
торы Данил Селиваненко, Хака-сияның гарантия фондының директоры Юлия Дурновцева паза тиліс фондының директоры Денис Пауль чоох тутханнар.
Идінҷектерге ӧӧн хабазығ рес-публиканың экономика министер-ствозы пастыра пирілче. Муници-пальнай пӱдістернің инвестиция проекттері министерствода чара-дылчалар, анаң на чуртасха киріл-челер. Че проект республикаа ту-залығ паза кирек полчатханын Ха-касияның тиліс чӧбінде пӧкчелер. Андох аны чуртасха кирерінде учурапчатхан сидік сурығларны пӧкчең оңдайлар табылча. Ағбан-ның позының инвестиция проект-тері пар, ол санда Ағбанвагонмаш-тың чирінде РУСАЛ нинҷе-де инвестиция проектін чуртасха кир-ерге пӧгінче, оларның чардығы алюминийдең ниме-ноо сығарары-наң палғалыстығ.
Предпринимательстваа хабас-чаң кінде пӱӱл наа ла тоғынып пас-тапчатхан идінҷектерге, лизингнең тузаланғаннарға паза оборудование алғаннарға хабазарға субси-дияларға ахча кӧрілчеткеннеңер искірілген. Хакасияның экономика министерствозы мындағ чыылығ-ларны кибірли иртірче.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде