ХАКАСИЯНЫҢ ПРОЕКТТЕРІ ПӦЗІК ПААЛАЛҒАН
01.07.2016
Хабарлар
Хакасияда иртчеткен «Сибер Ил» чоннар аразындағы форум хоостыра 29 июньда Саяногорсктағы «Эврика» лицейде чиит специалисттерге паза ученайларға гранттар проекттерінде аралазардаңар «тегілек стол» ирткен.
Мындағ чыылығ Хакасияда пастағызын на полған. Анда республиканың ӱгредіг организацияларының пастыхтары, чиит ученайлар, ӱгретчілер араласханнар. «Тегілек столда» улуғ аалҷы полған социальнай проекттерге хабасчатхан «Вольное дело» фондтың ӧӧн директорының пастағы орынҷызы Виктор Пронькин.
Хакасияның ӱгредіг паза наука министрі Галина Салатаның искіриинең, республикада ӱгредіг организациялары аймах кӧстеглерҷе гранттар марығларында тӧреміл араласчалар. Кӧзідімге, республика правительствозы федеральнай чыындынаң хада гранттарны наука тоғызының тилізіне позытча. Іди пис чыл аразына республикада 37 наука проектіне хабазығ пирілген. Таныхтирға кирек, істезіглернің 30 процентінің авторлары чиит ученайлар полчалар. Улуғ хайығ салылча монографияларны сығарарына. Хакасияда гранттар пирер программа хоостыра 10 азыра наука тоғызы чарыхха сыххан.
«Тегілек стол» тоғызын тоосханда, Виктор Пронькин, аның араласчыларын алғыстап, Хакасияда чуртасха кирілчеткен проекттерге пӧзік паа пирген.
Автор :
Оксана СУНЧУГАШЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде