АС-ТАМАХТЫ ТАРТЧАТХАННАРҒА - ХАЗНА ХАБАЗИИ
05.07.2016
Хабарлар
Республиканың кічіг паза ыраххы аалларын тилідер программа хоостыра Хакасияның муниципальнай пӱдістеріне субсидия пирілче. Полызығ республиканың садығ орны чох кічіг паза ыраххы аалларзар ас-тамах паза пасха товарлар читірчеткен идінӌектерге хорадығлар чардығын айландырарына пирілче.
Хазна хабазии республиканың кічіг паза ыраххы ааллар чуртағҷыларына иң кирек ниме-нооларны читірер пӧгіннең пирілче. Республика бюджедінде пу кӧстеге 175 муң салковай кӧріл парған. Пу наада 2016 чылға хабазығны алар муниципалитеттер табылған. Ирткен чылдағы чіли, таллағда Боград, Таштып, Шира паза Ағбан пилтірі аймахтары араласханнар. Идінҷектер республиканың 29 аалына кирек ниме-нооларны читірерлер.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде