ПІРГЕ ТОҒЫНАРДАҢАР ПІЧІКТЕРДЕ ХОЛ САЛҒАННАР
05.07.2016
Хабарлар
Форум тузында пірге тоғынардаңар кӧп аймах-пасха чӧптезіглер иділген. «Сибер Ил» форумның пленарнай чыылии тузында ла 6 чӧптезігде хол салылған.
Чуртас-экономикаҷа паза культураҷа пірге тоғынардаңар пастағы чӧптезіг Татарстан Республиканаң иділген. Татарстанның президентi Рустам Минниханов Хакасияның пазы Виктор Зиминнең хада чӧптезігде хол салчатхан туста гербтерге, пістің паза Татарстанның, хайығ салған.
- Пістің гербтерібіс тее тӧӧй полтыр, ікізінде парыстар, - теен Минниханов.
Аннаңар, аның чооғынаң, пірге тоғынардаңар чӧптезіг хайди даа толдырылар паза Хакасия, Татарстан чуртағҷыларына туза ағылар. Паза пip чӧптезіг Хакасия паза РУСАЛ піріктірілген компания аразында иділген. Пірге тоғынардаңар чӧптезіг 2016 - 2019 чылларға кӧрілген. Аны хоостыра РУСАЛ компания, республика ӱлгӱлерінең хада тоғынып, социальнай сферада чуртасты чахсыландырар программаларны толдырар.
Ағаа хоза, Олег Дерипасканың «Вольное дело» социальнай инновацияларға хабасчаң фондынаң чӧптезіг иділген. Пу чӧптезігҷе фонд республикаа ӱгредігні, науканы, культураны паза хазых хайраллирын тилідер сурығларҷа хабазар тіп кӧрілче.
Хазна Эрмитажы паза тиксі Россиядағы декоративно-прикладной паза чон искусствозының музейі Хакасиянаң хада культура палғалыстарынҷа, музей киреенде пірге тоғынарынҷа Хакасияның пазы В.М.ЗИМИН паза Татарстанның президенті Р.Н.МИННИХАНОВ чӧптезіг итчеткен туста паза культура-тархын ис-пайы объекттерін хайраллирынҷа чӧптезіглер иткеннер.
Ідӧк Н.Ф.Катановтың адынаң Хакас хазна университеді паза Олег Дерипасканың «Вольное дело» социальнай инновацияларға хабасчаң фонды пірге тоғынардаңар чӧптезіг ит салғаннар.
Автор :
Наталья СУБРАКОВА, Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде