АЙМАХТАҒЫ ЧОЛЛАР ХАЙЫҒДА ПОЛЗЫН
13.07.2016
Хабарлар
Хакасияның пазы Виктор Зимин Ағбан пилтірі аймаа пазының тоғызын толдырчатхан Елена Егорованаң тоғасхан. Тоғазығда ӱзӱрілген сурығларның пірсі - аймахтағы чолларның тыхтаа паза пӱдірии.
Регион устағҷызы Ағбан пилтірі аймааның чолларынҷа кӧп машиналар чӧрчеткенін таныхтаан. Ол чоллар республиканың улуғ городтарын, Ағбанны паза Харатасты, ідӧк аймахтың чағынғы аалларын піріктірчелер. Ағаа хоза, аймахта, кӧп чир участоктары ӱлестіріл парып, пӱдіріг тоғыстары парча.
- Амды Ағбан пилтірі аймаанда чурт пӱдірии ӧткін парча. Анзына чуртағҷыларның льготалығ категориязына, ол санда кӧп палалығ паза чиит сӧбірелерге, чир участоктарын тикке пирчеткен программабыс чахсы хабасча. Аймахтың алнында турчатхан пӧгіннернің пірсі - ол микрорайоннарға наа инфраструктура, ол санда чоллар, ит пирері. Ол оой нимес пӧгін, піс мында полызарға тимдебіс, - теен Хакасияның пазы.
Елена Егорова пӱӱнгі кӱнге республиканың транспорт паза чол хонии министерствозынаң хада тоғыс апарылчатханын таныхтаан. Тӱрчедең Калинин аалда ікі километр чолны нааҷылап пастирлар.
Виктор Зимин аймахтың администрациязын Ағбан - Пӱӱр пилтірі - Чарков чолны нааҷылирынҷа сурығны алынҷа хайығда тударға чахаан.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде