АРТЕМ ПОПОВТЫҢ МЕДАЛЬЛАРЫ
15.07.2016
Хабарлар
Якутскта иртчеткен «Азия олғаннары» чоннар аразындағы марығ хыызына кірібісті. Сибирьдегі федеральнай округтың піріктірілген командазына алылған Артём Попов, ырахха чӱгӱріп, маңат кӧзідімнерге читкен.
Іди Хакасияның спортсмені 1500 метрге чӱгӱрерінде кӱмӱс медаль, 3000 метрге чӱгӱрерінде алтын медаль утып алған. Андағ оңдайнаң, чир-суғҷыбыс СФО командазына ікі медаль хос пирді. Уғаа салымнығ хозым.
Таныхтирға кирек, 1500 метрге чӱгӱрерінде марығ хазыр парған. Артём Попов Татарстаннаң килген Эдгар Захаровтаң ікі ле секундаа соона халған. Позы, тізең, марығ ээзі Николай Калачиковты пір секундаа ла ас парыбысхан.
СФО командазы медальлар хоостыра сағам пастағы орында парча.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде