«ЦСКА-ХАКАСИЯНЫҢ» ЧИҢӀЗӀ
15.07.2016
Хабарлар
ЯКУТСКТА ИРТЧЕТКЕН «АЗИЯ ОЛҒАННАРЫ» ЧОННАР АРАЗЫҢДАҒЫ МАРЫҒДА ВОЛЕЙБОЛҶА ОЙЫННАР ТООЗЫЛ ПАРДЫЛАР. СИБИРЬДЕГІ ФЕДЕРАЛЬНАЙ ОКРУГТЫҢ ПІРІКТІРІЛГЕН КОМАНДАЗЫНА КІРІП, «ЦСКА - ХАКАСИЯ» ІЗЕСТІГ ЧИҢІСТЕР ТУТХАН, АЛТЫН МЕДАЛЬЛАРНЫ ХУБАЧАРДАҒЫ ХЫЗЫҶАХТАР ХОЛҒА КИРГЕННЕР.
- Мындағ улуғ марығда араласчатханда, полған на тоғазығда чиңіс тударға кӱстенерге киліскен, чоохтапча «ЦСКА-Хакасияның» тренері Ирина Золотухина.
Ирина Петровнаның кӧрізінең, «Азия олғаннары» марығны палаларның аразында иртірілчеткен Олимп ойыннарына тиңнирге чарир. Оолағастар паза хызыҷағастар удур-тӧдір танысчалар, чоннар аразындағы марығларда аралазарында, чиңіске кӱстенерінде пастағы хаалағлар итчелер.
Чир-суғҷыларыбысха пастағы орынға сығып алары оой полбаан. Россиядаң 4 команда саналған. Хыдат паза Монголия пірер команда ағылған. Уралдағы федеральнай округтың командазы уғаа кӱстіг, ол Россия первенствозының чиңісчізі. Ідӧк Хыдаттың командазы сыбыра маңат тимненіс кӧзітче. Че «ЦСКА-Хакасия» прайзын утхан, чиңіс тутхан.
- Пістің команда, аймах чидіглерге чидіп, кӧп сыйыхтарға турысхан. Амды оларға «Азия олғаннары» чоннар аразындағы марығда утхан сыйиибыс хозыл парды, - ӱлесче позының ӧрінізінең «ЦСКА-Хакасияның» тренері Ирина Золотухина.
Автор :
Хакасияның спорт министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде