ЧОЛЛАРДА ЧӦРІС Х0РҒЫС ЧОХ ПОЛЗЫН
15.07.2016
Хабарлар
Киҷее Хакасияҷа МВД-ның ГИБДД управлениезінде пресс-конференция ирткен. Анда УГИБДД пастығы, полицияның полковнигі Игорь Юртаев паза аның орынӌызы, полицияның подполковник Константин Дадынский араласханнар.
Хайди таныхтаан Игорь Александрович, піс прайзыбыс, ибдең сыхса, чазағлар пол парчабыс, руль кистіне одырыбыссабыс, водительлер полыбысчабыс. Аннаңар прайзын чолларда саайлар полдыртпас сурығ сағыссырадарға кирек. Саайларның ӧӧн сылтаа - пасха кізілерні, посты, чағыннарын аарлабинчатханы. Чазағлар, чолҷа чӧрҷең правилоларны (ГІДД) сайбап, кӧп саайларда пыролығ полчалар. Оларға сизіктіг поларға кирек, олар аар палығлатчалар, ӱрепчелер дее. ПДД-ҷа тудынары ГАИ-ға нимес, посха кирек. Улуғ алғыс СМИ-ларға, мыннаң мындар хада-пірге тоғынарыбысха ізеніс пар.
Саннардаңар чоохтаза, республикада прай саайлар саны 20%-ке хызырылған, саайларда ӱрееннернің саны - 7 %. Пістің республикаа - ол улуғ саннар. ГИБДД тоғынҷылары хараа-кӱнӧрте, тынағ кӱннерінде дее руль кистінде изірік чӧрчеткен водительлерні ілезіне сығарчалар. Изіріктер кӧп чобағ ағылчалар. Пір чылда хати руль кистіне изірік одырған водительлер саны 40 %-ке хызырыл парған.
Пiреезі чылда тӧрт хати руль кистінде изірік тутырча. Іди Харатастағы ипчі руль кистінде изірік тӧрт хати тутырған. Аның палалары пар, хайдағ кӧзідім полча ол палаларына. 34 кізі, руль кистіне изірік одырған ӱчӱн, уголовнай нандырыға тартылған. Олаңай кізілер изірік водительлердеңер искірчелер, оларның полызиинаң 60 водитель тутырған. Пістің ӧӧн пӧгінібіс - саайларда ӱрепчеткеннернің, палығлатчатханнарның санын саңай хы-зыр салары.
ГИБДД тоғынҷыларынзар полысчаң кізілер чіли кӧрерге кирек. Аны хатығлирға ла кӱстенчеткен кізее санирға чарабинча. Пӱӱл Хакасиядағы чолларда 301 саай полған, анда 44 кізі ӱреен, 368 кізі палығлатхан. Пылтырғызынаң тиңнестірзе, саайлар саны даа, анда ӱрееннернің, палығлатханнарның саны даа хызырылча. Иң кӧп саайлар 17.00 - 19.00 частарда полча. Неделяда иң хорғыстығ кӱннер - среда паза пятница. Ол кӱннернің полғанында ла 49 саай таныхталған.
ГИБДД-ның 80 чылы 3 июльда таныхталған. Москвада Хакасияның ГИБДД-зына, иң артых регион тіп, тӧрт номинацияҷа сыйыхтар читіргеннер. Игорь Юртаев журналисттернің аймах сурығларына толдыразынаң нандырған.
Автор :
Николай САЛТАРОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде