ХАКАС ТІЛІН ПАЗА КИБІРЛЕРІН ӰГРЕНЧЕЛЕР
15.07.2016
Хабарлар
^Ырер пу сомда «Звёздный» олғаннарның хазиин тыытчаң
лагерьде тынанчатхан палат ӱгретчілерінең хада турчатханнарын кӧрчезер. Ӱгретчілері, алай ба лагерьде оларны вожатайлар тіпчелер, улуғ вожатай Леонид Евгеньевич Карачаков паза Татьяна Фёдоровна Казанаева полчалар. Ікізі -Н.ФКатановтың адынаң Хакас национальнай школа-интернаттың ӱгретчілері.
Сағам пу олған лагерьінде 5-9 класстарның ӱгренҷілері тынанчалар. Олар - Н.Ф.Катановтың адынаң национальнай школаның паза Ағбан-дағы 22 № школаның ӱгренҷілері. Чоохтирға кирек, олғаннар мында ӱзінҷі чылы «Тигір хуры» ӧнетін программа хоостыра хакас тілін, чон кибірлерін паза культуразын ӱгрен-челер. Аны хоостыра пу лагерьзер хакастарның хазна паза халых ор-
ганизациялары килчелер. Пӱӱл пеер олғаннарнаң тоғазарға Хакасиядағы Писательлер пірігізінің кізілері, «Ал-тынай» ипчілер пірігізінің араласчы-лары паза даа пасхазы кил парча-лар.
Амды пу кӱннерде олғаннарзар ӧнетін ааллап кил парғаннар Хакас книга издательствозының тоғынҷы-лары - директор орынҷызы Нина Антоновна Толмашова паза издательст-воның ӧӧн редакторы Зоя Ивановна Султрекова. Оларнаң хада килген Якутияның чиит ученайы Анастасия Даниловна Алексеева. Ол Хакасия-зар хакастарның алыптығ нымах-тарын істезерге ӧнетін килтір, ідӧк Тувада поларға маңнантыр. Анастасия Алексеева Якутск городтағы Алтынзархы-Іскеркі федеральнай университетте магистратурада ӱг-ренче, фольклорнаң айғасча.
Пӱӱл Хакас книга издательствозы 85 чылын таныхтапча. Аннаңар пу чорыхты ол пайрамға чарытханнар. Іди Нина Антоновна лагерьнің клу-бында чыылысхан олғаннарға изда-тельствоның тархынынаңар, хайди
ол тоғынчатханнаңар, кемнер анда істенчеткеннеңер чоохтап пирген. Зоя Ивановна, тізең, хайдағ книгалар пу чағында сыхханнаңар искірген.
Олғаннар Саха чирінең килген аалҷы хысты уғаа хынып искеннер. Анастасия пастап кӱстіг ӱнінең тӧ-реен чирінеңер сарынны толдыр пир-ген, анаң позынаңар хысхаҷахти чоохтаан. Аразында хакас тілінең чоохтанған. Пістің тіллерібіс кӧмес тӧӧйлер нооза. Якуттар ідӧк тӱрк чоннарына кірчелер. Хай пірее учё-найлар олар пурунғыда пістің чирдең андар, алтынзархы чирлерзер, пары-бысханнар тіп сағынчалар.
Клубта ирткен тоғазығ соонда, ол-ғаннар, ӧмелерге чарылып, килген аалҷыларнаң алынҷа тоғазып, ӧнетін ӱгредіг ирткеннер.
Автор :
Илья ТОПОЕВ Сомнар Максим АХПАШЕВТИ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде