УКРАИНАДАҒЫЛАР ТЫНАНАРҒА КИЛЧЕЛЕР
09.08.2016
Хабарлар
КРЫМ РЕСПУБЛИКА. Пылтырғызынаң тиңнестірзе, 2016 чыл пасталғаннаң сығара Украинаның туристтері Крымзар тынанарға ікі хати кӧп килділер. Аннаңар искірче республиканың курорттар паза туризм министрі Сергей Стрельбицкий.
«1 августха Украинадаң килген туристтернің саны 1 миллион 700 муң азыра кізее читкен. Анзы Украинаның паза Россияның чонын піріктірче, ынағластырча. Піссер килчеткен аалҷылар Крым хайдағ чидіглерге читчеткенін пос хараанаң кӧрчелер», - теен министр.
Стрельбицкийнің сӧстерінең, 2016 чыл пасталғаннаң Крым 3 миллион азыра туристті удурлаан, пылтырғы чылнаң тиңнестірзе, 30 %-ке кӧп. Ӱлгӱдегілернің кӧрізінең, регион 2016 чылда тиксі 6 миллионӌа туристті сағыпча. 2015 чылда республикада 4,6 миллион турист тынанған.
Автор :
ТАСС
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы