ЧОЛЛАРНЫ ХОРҒЫС ЧОХ ИТЧЕҢ СУРЫҒЛАР
09.08.2016
Хабарлар
Хакасияның пазы Виктор Зимин «Байкал» автомобиль чолларының федеральнай управлениезінің пастығы Сергей Аникиннең тоғасхан. Тоғазығда М-54 федеральнай чолда автомобильлер чӧрізін хорғыс чох идер сурығлар ӱзӱрілген. Ӱзӱрігде ідӧк Хакасияның транспорт паза чол хонии министрi Александр Егоров араласхан.
Федеральнай учреждениенің устағӌызы Сергей Аникин Расцвет аал хыринда чол полосалары тростығ сиденнернең чарылғаннаңар искір пирген. Пу чол участогында удаа саайлар полӌаң. Кӧбізі саайларның сылтаа автомобильлер удур килчеткен полосазар сығара ойлатханы полған. Ӧнетін сиденнер турғызылғаны андағ саайларның санын хызырыбызар тіп кӧрілче. Пу сурығны республика устағӌызы кӧдірген полған, аннаңар тоғазығ тузында Виктор Зимин «Байкалуправтодорның» устағ-пастаана, иділген тоғыс ӱчӱн, алғызын читірген.
- Пістің чуртағҷыларның чуртазын хорғыс чох идер сурығларға хайығ салчатхан ӱчӱн, алғызыбыс читірчебіс. Сірер пілчезер нооза, ол участокта нинҷе-де чобағлығ саай пол парған. Кізілер пірее ниме идерге сурынғаннар. Сірер удур парғазар, паза піс сурынған нимедең хай-хай кӧп ит пиргезер. Аның ӱчӱн улуғ алғызым читірчем Сірерге, - теен Виктор Зимин, Сергей Аникинзер айланып.
Специалисттер таныхтапчалар, тростығ сиденнер удур килчеткен полосаларны олаңай ла чарбинчалар, олар нымзах арах полчалар, аннаңар машинаның даа урунызын нымзадыбысчалар.
- Хайди кӧзітче практика, пістің пір андағ участок пар. Ол аэропорт хыриндағы хурчағлығ чол алнында, анда удур полосазар ойладыстар чох пол парған. Чуртастарын чідіргеннер дее чох пол парған ол участокта. Сынында тоғынчатхан оңдай ол, - чарытхан Сергей Аникин.
Таныхтирға кирек, республика ӱлгӱлерінің паза федеральнай чол агентствозының пірге тоғызы кӧп чыллар апарылча. Ол пірге тоғыс-тың салтарлары санында - чолны ӱстӱнч,е кисчең чабых пӱдіріглер. Пӱӱн андағ пӱдіріглер Расцветте дее паза Харатаста даа парлар. Прай пу тоғыс федеральнай чол-ның ол участоктарында саайлар санын пілдірте хызырыбысхан паза чазағ чӧрчеткеннернің чурта-зын арачылап сыххан.
Хакасия пазынаң тоғазығда «Байкалуправтодорның» устағҷызы чағынғы пӧгіннердеңер искір пирген. Кӧзідімге, пӱӱнгі кӱнде «Енисей» чолның 389 километрі нааӌылалча. Тоғыстар график хоостыра апарылчалар паза килер чылда тоозыл парарлар. Ідӧк Кӧк хайа аалның паза Ағбандағы аэропорттың хурчағлығ чоллары хыринда чол чарытхызын идерінҷе сурығ пӧгілче.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы