РОССИЯДА ИҢ ЧАХСЫЛАР САНЫНДА
31.08.2016
Хабарлар
Хакас Республиканың пазы Виктор Зимин, Таштып аймаанзар чорыхха парчадып, Катанов аалдағы школаның пӱдірии хайди парчатханын кӧрерге кірген.
Виктор Зиминнең хада полғаннар Хакасияның Ӧӧркі Чӧп кнезі Владимир Штыгашев, Хакасия пазының социальнай сурығларҷа орынҷызы Ирина Смолина, Хакасияның ӱгредіг паза наука министрі Галина Салата, республиканың пӱдіріг паза ЖКХ-ҷа министрi Сергей Можаров, Асхыс аймааның устағҷызы Абрек Челтыгмашев, ідӧк подряднай организацияның устағҷызы Алексей Манжула.
Хакасия, федеральнай программада аралазып, школа пӱдіриине ахча таап алған. Іди федеральнай бюджеттең Катановтағы школаның пӱдіриине 99 миллион салковай позыдылған. Ағаа хоза школаа оборудование аларына 25 миллион азыра салковай пирілче.
Школа пӱдіриин пӱӱлгі чыл соонзар тоос саларға киректер. Хакасия пазы Виктор Зиминнің чооғынаң, республикадағы аалларда чылның сай наа школалар, олған садтары, культура туралары тузаланысха кирілчелер. Мының алнында мындағ школалар тӱсте дее чох полған полар.
Ӱр ниместе школаның пӱдіриин «Школа 2020 - 2025» федеральнай дирекцияның кізілері сыныхтап парыбысханнар. Олар школа пӱдірии хайди парчатханына чӧпсінгеннер. Оларның сӧстерінең, Катановтағы школа Россиядағы ааллар школаларының иң маңаттар санында поларға айабас.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде