ПІЛІС ЧОЛЫНЗАР...
02.09.2016
Хабарлар
Игорь Тютюбеевнең Даша Боргоякова пӱӱл 1-ғы классха пардылар. Чӱрексіністіг тус... Нандырығлығ... Киҷее олар, іҷе-пабаларынаң хада, сіліг чахайахтар тудынып, школаларынзар линейкаа парғаннар.
Пӱӱн, тізең, пастағы урокка маңзырапчалар. Игорь Ағбанның 22 № школазында ӱгренче, Даша, тізең, 24 № школада. Игорь школада уроктар аразындағы тусты хынығ иртірерін сахтапча.
- Переменада піс оолағастарнаң хада матап чӱгӱріс чӧрербіс! Удур-тӧдір хостазарбыс! Че урок пасталзох, сым одыр сал турарбыс, - ӧрінче оолағас.
Дашаның, тізең, пӧгіні саңай пасха. Школада «тікчең» кружок пар полза, ол андар чӧрерге пӧгінче. Паза чахсы ӱгренерге, аймах пілістер аларға сағынча.
Хайди искірче Хакасияның ӱгредіг паза наука министерствозы, пӱӱл Хакасияның школаларында парта кистіне пастағызын на 8 муң азыра олған одырды. Ол, ирткен чылнаң тиңнестірзе, 1 муңҷа палаа кӧп.
Автор :
Оксана СУНЧУГАШЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде