ӦРТТЕРДЕҢ АРАЧЫЛАҶАҢ ОТРЯДТАР - ААЛЛАРДА
02.09.2016
Хабарлар
Хакасия пазы Виктор Зиминнің чахиинаң республикада ӱр ниместе саайлардаң арачыланар муниципальнай комиссиялар кнестерінің чыылии ирткен.
Чыылығны апарған Хакасия пазының орынҷызы Владимир Крафт. Полған на комиссияның кнезі позының чирінде саайлардаң, ол санда ӧрттердең, тоғыр хайдағ тоғыс апарылчатханынаңар искірген. Сағам республикада кӱскӱ-хысхызын сых парчатхан ӧрттердең тоғыр тоғыстар апарылча. Іди ааллар ибіре чирлерні чолахти хатап тарт саларға, суғ алҷаң орыннарны сыныхтабызарға, дачаларда чуртапчатхан кізілернең сизіндірігліг тоғыстар апарарға кирек.
Хакасияда пос кӧңнінең ӧрттердең тоғыр харбасчатхан кізілерні таапчалар. Іди, федеральнай кіннең палғалыс тудып, республикадағы ыраххы аалларда ӧртнең харбасчаң паза арачылаҷаң ӧнетін отрядтар тӧстелчелер. Іди пӱӱл Хакасияда 40-ча андағ отряд тӧстел парарға кирек. Оларға ӧртнең харбасчаң кирек тиріглер пирілче. Полған на отрядтың устағҷызы штатнай санға алылча. Андағ штаттағы тоғынҷы федеральнай бюджеттең чал ахчазын алча. Пӱӱл андағ 6 кізі табылған. Килер чылда ағаа хоза 35 штатнай тоғынҷы турғызылар. Амды республикада андағ ікі отряд тӧстелген. Пірсі Асхыс аймаандағы Чоғархы Паза аалда, ікінҷізі Орджоникидзе аймаандағы Наа аалда. Пу чыл тоозылғанҷа, ӧрттең тоғыр харбасчаң отрядтар Писхамҷы, Полтах, Первомайскай, Наа чир аалларда тӧстелерлер.
Автор :
Хакасияның ГО, ЧС паза ПБ управлениезі
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде