СУРЫҒЛАР ТАБЫРАХ ПӦГІЛЕРГЕ КИРЕК
06.09.2016
Хабарлар
Хакасияның пазы Виктор Зимин Россия президентінің Сибирьдегі федеральнай округтағы полномоченнай кізізі Сергей Меняйло хысхаа тимненіс хайди парчатхан сурығ хоостыра иртірген видеоконференцияда араласхан.
Пістің республикада чурт фондынын, хысхаа тимненіс кӧзідімі 93,5 %-ке, коммунальнай комплекстің кӧзідімі 93 %-ке тиңнелче. Анзы ирткен чыллардағы кӧзідімнер осхас. Хысхызына хара тас тимнирі Ағбанда, Саяногорскта, Сорығда, Абазада кӧрілген синнең илееде артых, пӱӱнгі кӱнде ол 148 %-ке тиңнелче.
Видеоконференция тузында хысхаа тимненіс хайди парчатханнаңар кӧзідімнерде хос частьтардаңар паза хоза энергоресурстар тимнирінеңер чоохталған.
- Сойан-Сус ГЭС-та полған саай соонда пу сурыға ӧнетін хайығ айландырылча. Андағ тоғыс пістің регионда ла нимес, тиксі хазнада апарылча. Амғы туста, сағыбаан саайларға тимненіп, электроэнергия пирҷең алынҷа 266 установка саналча. Оларның піреелері чонға кирек социальнай объекттерде турғызылғаннар, - таныхтаан позының чооғында Виктор Зимин.
Ідӧк, электричествонаң тузаланып, алымнарын тӧлебинчеткеннердеңер сурығ кӧдірілген. Пу даа сурығ Хакасияда хайығ чох халбинча. Аны орта потер ӱчӱн, республиканың правительствозы аймах-пасха оңдайларнаң тузаланча. Ол санда электричество сатчатхан пірігістернең паза компанияларнаң алымнарын чох идердеңер чӧптезіглер пасталыбыстылар.
Че иң не ӧӧні - сағыбаан сидіксіністерні тузында паза ӱрег чох тӱзедібіс турарына тимде полары. Аннаңар хысхаа тимненіс хайди парчатханы хати-хати сыныхтал турар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде