ГАЗ ПААЗЫ ӦС ПАРҒАН
06.09.2016
Хабарлар
Хакас Республиканың тарифтерҷе паза энергетикаҷа хазна комитеді «Красноярсккрайгаз» АО пирчеткен газха паалар турғыс салған. Пу 21-к № чарадығ 2016 чылның 27 июньында сыххан. Наа тариф Хакасияның тарифтерҷе паза энергетикаҷа хазна комитедінің чыылиинда турғызылған. Прай сананыстар Тарифтерҷе федеральнай службаның чарадығлары хоостыра иртіріл парғаннар.
- Наа паалар инфляцияның тиксі алысханынаң палғалыстығ (налогтар ӧсчелер паза пасха даа сылтағлар). Аннаңар, отрасльны ӱреге кирбес пӧгіннең паза чуртағҷыларға газха паалар тут халар ӱчӱн, тарифтерні чыл сай хатап кӧрчебіс, - теен республиканың Госкомтарифэнерго кнезі Марина Пономаренко. - Хазна най тӧбін тарифтер турғыс салза, регионға газ пирчеткен предприятиелер ӱреге кір парарлар паза рыноктаң парыбызарлар. Андағ кирек полбас ӱчӱн, хазна тӧстеністіг синніг тариф турғысча. Пістің айланызыбыс хоостыра «Красноярсккрайгаз» компания позының хорадығларынаңар толдыразынаң искір пирген. Прай пу саннарны Хакасия правительствозының официальнай порталында кӧріп аларға чарир.
«Красноярсккрайгаз» АО-ға пӱӱл 1 августтаң мындағ тарифтер кӧріл парғаннар: 1) баллондағы газ складтардаң алылза, 1 кг газты 34,99 салковайға садарға; 2) ибге теере ағыл пирген баллондағы 1 кг газты - 38,01 салковайға; 3) кӧп квартиралығ тураларда резервуардағы тузаланчатхан 1 кг газтың паазы 38,73 салковайға тиңнелче.
Газтың паазы ортымахти 2 %-ке ӧс парған. Наа тарифтер пip чылға кӧріл парғаннар. Таныхтирға кирек, пу предприятиедең пасха пістің республика чуртағҷыларына газты «СГ-трэйдинг» ОАО паза «ЧерногорскГаз» ООО пирчелер. Оларға наа тарифтер соонаң турғызылар.
Автор :
Хакасияның Г оскомтарифэнергоның пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде