ПЕСТІ ХЫСХЫЗЫНА ТУЗЫНДА ТИМНЕҢЕР
06.09.2016
Хабарлар
Статистика танығларынаң, кӱскӱдең часхаа теере, пестернең саба тузаланчатхан сылтаанда, ӧрттер саны ӧс парча. Аннаңар специалисттер чуртағҷыларға пестерні азынада тимнирге чӧп пирчелер.
Пӱӱл 7 ай аразына Хакасияда, пестер сайбалған сылтаанда, 91 ӧрт сых парған (ирткен чылда - 64 ӧрт). Иң кӧп ӧрт Ағбанда полған (21 ӧрт). Хысхы паза часхы айларда, пестер сайбалған сылтаанда, ӧрттер саны хозылча. Специалисттернің танығларынаң, соох кӱннер ӱр турчатса, ӧрттер саны ӧс парча.
«Соох кӱннер турыбысса, пос туразында чуртапчатханнарның чурттары удаа ӧртке хабылчалар. Чуртағҷылар пестернең саба тузаланчалар, оларны тыхтирына салбыр хайчалар паза удаа сыныхтабинчалар. Пес тузында тимнелзе, ідӧк ӧрттең хорғыс чох правилоларны сайбабинчатханы ӧрт сығарбасха полызар паза улуғ хыйалға кірерге пирбес», - чоохтапча Хакасияның ГО, ЧС паза ПБ управлениезінің пастығы Николай Старков.
Ӧӧнінде улуғ частығ кізілернің чурттарында ӧрт пол парча. Оларның полғаны ла песті позы иптеп полбинча. Пос тураларында чуртапчатхан туғаннарыңа, соох кӱннер пасталғанҷа, пестерні тимнеп саларға полыс пиріңер. Паза ӧрт сыхханнаңар искірчеткен оборудованиені турғыс салыңар.
Пес одынар тус чағдапчатса:
- ыс трубазын паза песті хазартыбызарға, чіктерні чох идібізерге киректелче;
- песті паза ыс чолын кӱлдең арығлабызыңар. Ыс чолын тузында арығлабаза, анда кӱл кӧп чыыл парча. Аның сылтаанда ыс чолы туюхтал парча. Аны 2 айда nip хати арығлабызарға киректелче;
- кӧйчеткен кӧс, пестең тӱс парып, ӧрт сығарбас ӱчӱн, пес ізии алнында улии 50x70 см тимір лист тӧзеп салыңар. Пес ізии чахсы чабыл турзын;
- кӱл тӧкчең орынны азынада тимнеп салыңар. Ол орын турадаң 15 метр артиинаң ырахта поларға кирек. Кӱлні кӧйбинчеткен материаллардаң иділген контейнерде чыырға кирек. Кӱл тооза кӧй парғанын сыныхтап турыңар;
- пес одынчатса, оой кӧйчеткен суух нимелернең тузаланарға чарадылбинча. Пес илееде ізіп парбас сылтағнаң аны кӱнде 2-3 хати 1,5 частаң кӧп нимес одыныңар. Песті хайығ чох артыспаңар, палалар аны кӧрерлер тіп, оларға ізенмеңер.
Орт сыхса, «101» номерҷе сығдырадыңар!
Автор :
Хакасияның ГО, ЧС паза ПБ управлениезі
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде