ӦРТ СЫҒАРБАС ӰЧӰН
09.09.2016
Хабарлар
Сентябрьда ӱӱҷіктегі тоғыстар ӧӧнінде тоозылча, хысхызына тимненіс пасталча. Ӧскіріп алған чир тамаан холға кирген соонда, ӱӱҷікті арығлапчалар.
Ол тоғыстар хыйал чох ирт парыбызар ӱчӱн, Хакасияның ГО, ЧС паза ПБ управлениезі кізілерні ӧрттең сизіктіг тудынарға хығырча. Ӱӱҷікте, кӧйчеткен отнаң саба тузаланған сылтаанда, сӧп-сапты алай хуруғ оттарны хабысхан туста ӧрт сых парарға айабас.
Сизіндірчебіс, хуруғ отты ӧртирі законнаң чарадылбинча. Аны сайбаан кізілер, ӱрег сині хоостыра, административной алай уголовнай нандырыға тартылчалар.
Специалисттер кізілерні сизіктіг поларға, ӱӱҷікте ӧрттең піліп тудынарға хығырчалар:
- ӱӱҷіктегі оттарны, пӱрлерні, сӧп-сапты, ӧнетін хапчыхтарға суғып, кӧрілген орынзар апар саларға. Алай ба, тирең оймах хазып, чирге кӧӧм саларға. Ӧртирге чарабас;
- тура хыринда ӧрт ӱзірҷең тиріглер поларға кирек;
- чарытхы эмектерін сыныхтағда тударға;
- оой кӧйібісчеткен нимелерні палалар теңмес орынзар саларға;
- тамкы тартчатса, сизіктіг поларға;
- песті сыбыра сыныхтағда тударға, андар палаларны чағын кирбеске;
- ӱӱҷіктең парчатса, прай нимені хати сыныхтабызарға: чарытхы ӱзірілік пе, пес кӧйбинче бе.
Ӧрт сыхса, 101 алай 112 те-лефоннарҷа сығдырадыңар.
Автор :
Хакасияның ГО, ЧС паза ПБ управлениезі
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде