УЛУҒ ЧАСТЫҒЛАРҒА - ХАБАЗЫҒ
14.09.2016
Хабарлар
Хакасияда тынағдағы 70 час ас парған кізілерге тиксі тыхтағ тоғыстар тӧлеглері ӱчӱн компенсация пирілче. 2016 чылның 1 июльынаң «70 паза 80 часха чит парған чуртағҷыларға кӧп квартиралығ тураны тиксі тыхтирына тӧлег хорадығларын компенсация оңдайынаң айландырардаңар социальнай хабазығдаңар» Хакас Республиканың законы кӱзіне кірген. Ол законда Хакас Республикада орныхчатхан кӧп квартиралығ турада алынҷа категориялығ кізілерге тураны тиксі тыхтирына тӧлег хорадығларын компенсация оңдайынаң айландырардаңар социальнай хабазығның оңдайлары кӧріл парған.
УЛУҒ ЧАСТЫҒЛАРҒА -ХАБАЗЫҒ
Хакас Республиканың законы хоостыра 70 паза 80 часха чит парған чуртағҷыларға, хазна полызиин санға алып, 50 % алай 100 % компенсация федеральнай бюджеттең пирілер.
Іди кӧп квартиралығ тураны тиксі тыхтирына тӧлег хорадығларының компенсациязын федеральнай бюджеттең Илбек Ада чаа ветераннары (ол санда істеніс ветераннары), араласчылары паза кинектері, I паза II группа кинектері, кинек палалар, репрессияларға хаптырған паза радиацияа хаптырған чуртағҷылар амғы туста алчалар.
Хакас Республиканың законы хоостыра компенсация мындағ чуртағҷыларға пирілче:
1) чалғызан чуртапчатхан, тоғынминчатхан, 70 часха чит парған тура ээлеріне 50 % айландырылча;
2) чалғызан чуртапчатхан, тоғынминчатхан, 80 часха чит парған тура ээлеріне:
- федеральнай бюджеттең компенсация алчатханнарға -50 %;
- федеральнай бюджеттең компенсация албинчатханнарға - 100 %;
3) чурт ээзі полчатхан 70 часха чит парған, тоғынминчатхан пенсионернең хада чуртапчатханнарға - 50 %;
4) чурт ээзі полчатхан 80 часха чит парған, тоғынминчатхан пенсионернең хада чуртапчатханнарға:
- федеральнай бюджеттең компенсация алчатханнарға - 50 %;
- федеральнай бюджеттең компенсация албинчатханнарға - 100%.
Хазна хабазиин аларға сағынчатхан 70 час ас парған чуртағҷыларға кирек пічіктернең чуртапчатхан орындағы чонға социальнай полызығ пирҷең управлениезер айланарға кирек. Компенсация аларына пічіктер пиргеннерге полызығ пір ай пазынаң пирілче.
Автор :
Хакасияның прокуратуразы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы