ПІР ХАТИ ПИРІЛЧЕТКЕН ТӦЛЕГ
14.09.2016
Хабарлар
ж ғбанда Пенсионнай фондтың £\Хакасияҷа пӧлиинде пу
кӱннерде пенсионерлерге nip хати пирілчеткен компенсацияа чарыдылған пресс-конференция ирткен.
Анда ПФР-ның Хакас Респуб-ликаҷа пӧлиинің устағҷызы Виктор Алексеевич Филонов паза аның орынҷызы Николай Владимирович Дурасов араласханнар.
Пір хати пирілчеткен ахчалығ тӧлегні пенсионерлер 2017 чыл-дағы январь айның пенсиязынаң хада аларлар. Тӧлег прай пенсионерлерге, ол санда тоғын-чатханнарға, кинектерге пирі-лер. Аның сині - 5000 салковай. Компенсация социальнай хазна хабазии оңдайынаң пирілче. Аны алып алар ӱчӱн, Пенсионнай фондсар айланарға кирек чоғыл. Пістің республикада пу тӧлегні 153 муң азыра кізі алар.
- Паалар ӧскені прайзына теелче, аннаңар nip хати пиріл-четкен ахчалығ хабазығ тоғын-минчатхан даа, тоғынчатхан даа пенсионерлерге тӧлелер. Хака-сияда пенсионерлернің 20 азыра муң кізізі - тоғынчатханнар, - та-ныхтаан В.А.Филонов.
Пенсионерлерге nip хати пи-
рілчеткен тӧлегдеңер чарадығны Россияның правительствозы алған. Сағамғы туста ол тӧлегдеңер фе-деральнай закон тимнелче, хай-зы кӱскӱде Россия Федерация-зының Федеральнай Чыылиинда ӱзӱрілер.
2017 чылдаң сығара Россияның правительствозы, ирткен чылның инфляциязын паза пенсионер-лернің чуртап парыбызар иң ас-хынах синінің ӧзізін санға алып, пенсия ахчазын хозар. Мындағ оңдайнаң, 2016 чылдағы паалар ӧзізі санға алылып, 2017 чылның 1 февральынаң тоғынминчатхан пенсионерлернің страховой пен-сиязы хозылар. 1 апрельдең, пен-сионерлернің чуртап парыбызар иң асхынах синінің ӧзізі санға алылып, хазна пенсиязы, ол санда социальнай пенсия, хозыларға кирек.
Пресс-конференцияда ідӧк ПФР-ның полызығларын Интернет пастыра аларынаңар чоох-талған. Пӱӱнгі кӱнде ПФР-ның сайтында «Личный кабинет граж-
данина» алай «хазна полызығла-ры» порталы хоостыра пенсия алардаңар, іҷе капиталынаң ту-заланардаңар (ол санда пір хати пирілчеткен тӧлег - 25 муң салковай) сурыныс пічиин пае са-ларға чарир. Аннаң пасха сайтта пенсия синінеңер пічікті алып алар социальнай тӧлеглердеңер, хабазығлардаңар піліп аларға оңдай пар. Ідӧк анда полар страховой пенсияны электроннай калькуляторҷа посха санап алар-ға чарир.
Пістің республикада чыл пас-талғаннаң сығара ПФР-ның сай-тынзар 1081 кізі айланған. Олар-ның санында 305 кізі пенсия алардаңар сурыныс пічиин пас-хан, 382 кізі - іҷе капиталынаң пір хати пирілчеткен тӧлегдеңер, 56 кізі - іҷе капиталына сертифи-каттаңар, 32 кізі - іҷе капиталы-наң тузаланардаңар. Пу оңдай ПФР-ның полызығларын алар тусты ӱзӱрлирге чахсы полысча.
Автор :
Оксана ЧЕЛТЫГМАШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы