БАЙКАЛ ХАЗЫ АРЫҒЛАЛДЫ
16.09.2016
Хабарлар
ИРКУТСК ОБЛАЗЫ. Тиксі Россиядағы «360 минута» экомара-фонға хозылып, 12 муң волонтер, Байкал кӧлнің хазын арығлап, 27 муң хап сӧп-сап чыып алған. Ол син хапты кӧл хазынан, хыйа апарарға 114 «КамАЗ» киректелген.
Тоғыс Байкал хазында ла парбаан, ідӧк кӧлнең палғалыстығ 28 суғның чарларында поғыр-похсах чох иділген. Волонтёрларға ниме ле орта полбинчатхан: тасталған магнитофоннар, холодильник, кимелернің чардыхтары паза даа кӧп аймах нимелер. 100 чыл мының алнында сығарылған иргі утюгты паза тимір чол станцияларында тузаланҷаң саңны, арығлап, музейге пирібізерге чаратханнар.
2017 чыл, президенттің чахии хоостыра, хазна холындағы чирлерні хайраллир чыл тіп чарлалған. Аннаңар заповедниктерні арығлирға 2017 чылда Россияның 10 регионында 100 муң волонтер сығарарға пӧгін тутчалар.
Автор :
Newsru.com
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде