РЕСПУБЛИКАНЫҢ ИМНЕГ ТУРАЛАРЫНА - НАА МАШИНАЛАР
16.09.2016
Хабарлар
Гіістің чонның сағы-' ' зында 1941- 1945 чылларда полғанхан тӧгістіг Илбек Ада чаа хаҷанға даа халар. Кӧп тее халбаан ползалар, че амдаа парлар ол чааның араласчылары. Полған на сӧбіренің тархынында чарых чуртасӱчӱн турысхан туған-чағыннары пар. Аннаңар олардаңар хумартхылас пірдее чітпеске, тӧлдең тӧлге парып одырарға кирек.
Уғаа улуғ, амғы тӧлге кирек чӧрім чарлабысхан Россия президенті Владимир Владимирович Путин. Ӧнетін тӧстелген феде-ральнай проект хоостыра, полған на Совет Союзыньщ Матыры ӱгренген школада ағаа чарыдылған хумарт-хы чарды хызыл парарға кирек.
Таштып аймаанда Илбек Ада чааның ӱс аралас-чызы Совет Союзыньщ Матыры пӧзік атха турысхан. Мадырдан, - Григорий Зорин, Таштыптан, - Александр Назаров паза Мария Цуканова. Мадырдағы наа школаны тимненіске сы-ғарчатхан тустох, ағаа Григорий Зориннің адын пир-геннер. Олох туста ху-мартхы чарды хызылған.
Пу неделяда Лидия Алексеевна Третьякованьщ адынаң Таштыптағы паста-ғы номер школа-интернат-та Александр Максимович
Назаровха чарыдылған ху-мартхы чарды пайрамни хызылған. Пу танығлығ кӱн-де Таштыпта пол парған Хакас Республиканың Оӧр-кі Чӧбінің кнезі Владимир Николаевич Штыгашев. Ол позы пуох школада ӱгрен-ген нооза. Аннаң хада кил-геннер республиканың культура министрі Светлана Анатольевна Окольникова, ӱгредіг паза наука минист-рінің орынҷызы Юрий Гаврилович Сагалаков, вете-раннар чӧбінің кнес орын-ҷызы Юрий Иванович Седых.
Аалҷыларны удурлаан-нар Таштып аймааның пазы Василий Иванович Шул-баев паза ветераннар чӧ-бінің кнезі Наталья Николаевна Канзычакова.
Чыылысхан чонның, ӱг-ренҷілернің алнында чоох тудып, Хакасияның Ӧӧркі Чӧп кнезі Владимир Николаевич Штыгашев таных-таан:
- Пӱӱн пу школаа паза Таштып аймаана даа та-нығлығ кӱн: пу школада хаҷан-да ӱгрен ген Александр Максимович Назаров, Илбек Ада чаада ма-хачы чаалазып, пӧзік атха турысхан. Совет Союзыньщ Матырлары - илбек кізілер. Пістің амыр чур-тазыбыс ӱчӱн ыырҷыдаң тоғыр уғаа хазыр чаалас-ханнар. Назаров осхас ма-хачы матырларның сыл-
таанда совет чоны илбек чиңіс тутхан, хайзы піске уғаа пӧзік паанаң пирілген. Аннаңар чааҷыларыбыс-тың аттары хаҷанға даа сағызыбыста халарға кирек. Кибірлерібісті, тархы-
ныбысты пілерге, улуғлир-ға кирекпіс.
Таштып аймааның пазы Василий Иванович Шул-баев позының алғыстас чооғында Совет Союзыньщ Матырларына чарыдылған
хумартхы чардылар хызыл-чатхан чӧрімні пӧзік паа-лаан.
- Пос чирінің кізілеріне мындағ аарлас ӧсчеткен тӧлге уғаа чахсы кӧзідім полча, Чир-суубысха поғ-дархирға, хынарға ӱгрет-че. Піске пу чӧрімні мын-наң мындар узарадарға, тыыдарға кирек, - теен Василий Иванович.
Культура министрі Светлана Анатольевна Окольникова, Совет Союзыньщ Матырларын піди чон са-ғызында аарласта артыс-чатхан ӱчӱн, Россия президент! Владимир Владимирович Путинні паза Рос-сияньщ культура министрі Владимир Ростиславович Мединскийні алғыстаан. Оларның сылтаанда пу чӧ-рім прай Россияда паста-лыбысхан тіп таныхтаан.
Республиканьщ ветераннар чӧбінің кнес орын-ҷызы Юрий Иванович Седых Александр Максимович Назаров ӱгренген школаа «Гордимся нашими героями» кинде сыйлап пир-ген.
Іди Совет Союзыньщ Матыры, Таштып аалда чуртаан, орындағы школада ӱгренген Александр Максимович Назаров хаҷан даа ӱгренҷілернің сағы-зында полар. Аньщ чурта-зы, чиріне хынызы - чиит тӧлге турыстығ кӧзідім.
Автор :
Георгий КУНУЧАКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде