332 ТУРАДА - ТИКСІ ТЫХТАҒ
20.09.2016
Хабарлар
Чыл сай кӧп квартиралығ тураларны тиксі тыхтирына тӧлеглер кірчеткені чахсыланчатханын статистика саннары киречілепче.
Хакасияның тиксі тыхтағ фондынзар 2014 чылның декабрьынаң пу чылның сентябрьына теере 490 миллион азыра салковай кірген. Чыылған ахча полызиинаң 2015-2016 чылларда кӧп квартиралығ 332 тура тыхталған.
- Хакасияда халғанҷы чылларда кӧп квартиралығ туралар кӧп пӱдірілче, че олох туста піс алындағы чылларда тимге сығарылған тураларнаң ӱр тузаланарынаңар паза оларны хайраллирынаңар сағынарға кирекпіс, - таныхтаан Хакасия пазы Виктор Зимин.
Тиксі тыхтағ тузында кӧп квартиралығ турада аймах тоғыстар апарылча: лифт нааҷылалча, тура тасты паза инженер системалары тыхталча. Кӧзідімге, Ағбанда 15 чыл тоғынмаан лифт алыстырылған.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде