«ХАКАСИЯДА ТЫНАНАРҒА ХЫНЧАМ»
21.09.2016
Хабарлар
Пістің амғы ту ста телевизор кӧрбинчеткен кізі чоғыл. Че олар пасха-пасха кӧзідіглер кӧрчелер, кем-де политикаа сабылча, хайзы ӱӱҷікте чир тамаан ӧскірердеңер кӧрче. Кӧзідіглер толдыра. Частан парған чон паза ағырығлардаң ос полбинчатханулус хазыхтаңар кӧзідіглерні кӧрче.
Андағ программаларның пірсі «Россия-1» канал да сыхча, адалча «О самом главном». Ол кӧзідігні апарчатханнарның пірсі- Александр Леонидович Мясников. Аның пістің чир-суубыссар кил парчатханы истіл парҷаң, тоғазарға киліспеен. Че ол позыӱртӱн айының 11-ҷі кӱнінде Асхыс станция да чоннаң тоғазарынаңар чарлаан.
Станцияның Культура ту-разының кистінде чайғы эстрада сценазы пар, ана анда чон илееде чыылыс партыр. Кӧбізі ипчілер паза улуғ частығ улус. Ноға ипчілер? Олар постарын ма-тап хайраллапчалар, ағыр-басха, чиит кӧрінерге кӱс-тенчелер. Иреннер, тізең, мирҷең чон, нимені нимее салбас, халҷырлар, андағ чирлерзер тилем чӧрбин-челер.
А.Л.Мясников килер ал-нында чыылған чонны орын-дағы ырҷылар сарыннары-наң ӱтерткеннер. Мына піс-тің оол чиде тӱскен. Сах андох аны ипчілер ибірі-бістілер. Хазыхтанып алар-даңар сурчалар. Хай кил-ген иреннер оортах турча-лар. Пурун ипчілерні позы-дарға кирек. Кӧмес позып парғанда, піске, хабарҷы-ларға, хайған.
Хайди пістің чирде пол парғаннаңар сурғанда, ол піди нандырған:
- Мин Хакасиязар 10 чыл мының алнында килгем. Пастағы кӱніндӧк пу чирге хайхаам, хыныбысхам. Чыл-да пір-ікі хати хайди даа киледірбін. Россияда кӧп орыннарда поладырбын, че Хакасияа прайзынаң артых кӧңнім чатча, поселокта ми-нің нанҷыларым кӧп. Чоннаң тоғазып, чоохтазып алар сағыс полған. Пӱӱн ол са-ғызым толды. Мында мин тайғазар чӧрерге хынчам, хазыр суғларҷа кимеліг ин-ерге, пирік чирлерҷе квад-роциклліг ойлат чӧрерге. Хакасия - уғаа чапсыстығ чир, тиктең нимес, мында-ғы чон хамнарны улуғлап-ча. Пу тағларны, суғларны кӧріп, киртінчезің, оларның прайзының ээлері парына.
Мында прай ниме пасха, тиктең нимес, мин мында НЛО кӧргем.
Пір дее пасха ниме чоохтирға кирек чоғыл. Пу чапсых, позы алынҷа чирде андағох чон чуртапча. Мындағы чонға хандыра ӱлӱс тӱскен - чапсых чирде чуртирға.
- Телевидениезер хайди килгезер? - сурғабыс.
- Олаңай ла. Пастап Владимир Соловьев хы-ғырған, анаң радиода то-ғынғам. Пір ле пастабыс-саң - парча. «Россия-1» каналда программа апар-чам, че ол минің ӧӧн тоғы-зым нимес. Москвада улуғ клиникада ӧӧн имҷі пол-чам. Халыхтар палатазы-ның кізізібін. Ноға телеви-дениеде тоғынарға кӱс-тенчем? Піс уғаа «туюх-пыс», аннаңар чонның са-ғыс-кӧгізін, хараан ас пи-
рерге кӱстенчем. Прай ниме синінҷе поларға кирек, ӧӧнінде ас-тамах, че кӧп хыймыранарға, чӧрерге, то-ғынарға кирек.
Минің мындағы нанҷы-ларым уғаа маңат кізілер. Хайди пол парча: пӧзік ӧӧрлеп пастабыссаң, син-зер кӧп кізі килче, оларға хайдағ-да ниме пӧк пирер-ге кирексің. Че минің мын-дағы нанҷыларым андағ ниместер, аннаңар чон ан-дағох нанҷы. Мин пілчем, тайғада алай пірее пирік чирде хыйалға кір парзам, олар мині хаҷан даа таста-бастар, полые пирерлер.
Чонның хазии улуғ то-ғыс киректепче, алып алы-ңар олох ӧкпе ағыриин. Ол сурығны пӧгерінде хыйға имҷілер кирек. Наа оборудование алчабыс, ағаа ахча хорапча, че ол обору-
дованиенең піліп тоғынҷаң устар асхынах. Имҷілерні, чахсы ӱгредіп, тимнирге кирек. Мин ол киректеңер хаҷаннаң чоохтапчам.
Александр Леонидович, чон алнынзар сығып, олар-ның сурығларына нандыр-ған. Піди сизінгенде, кізі позының хазиин позы хол-да тударға кирек. Пӱгӱрек-тегі тастардаңар чоох пар-ран. Пір чуртағҷы диспансеризация иртчеткенде, тас таап алғаннар, мына операцияа ысчалар. А.Л. Мясников тіпче, пӱгӱректе-гі тастар сағба пирбинчет-се, теңмеске. Хаҷан ағыр килзе, ана андада операция иттірерге кирек.
Кӧп сурығлар полған, прайзына нандыр пирген.
А.Л.Мясников имҷілер сӧбірезінде тӧреен. Пастап земскай имҷі полып тоғын-тыр. Ағазы Александр Леонидович, тізең, саблығ профессор Чазовты ӱгреттір, хайзы И.В.Сталинні имнеен. Александр Мясниковтың іҷезі Ольга Мясникова ідӧк имҷі полча, хазыхтаңар паза ӱр чуртир оңдайдаңар книга сығарыбысхан. Позы Александр Мясников Мо-замбикте, Анголада, ідӧк Францияда пістің посоль-ствода, Нью-Йоркта __имҷі полып тоғынған. Нью-Йоркта тоғынар алнында, имҷі адын арачылап, экзамен туттыр. Аның соонда маң-наныстығ тоғынтыр. Анда хайдағ даа чахсы полза, ибзер, чир-суунзар, тартыл-ған. Ана іди Россиязар ай-лантыр.
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде