ПІРДЕЕЗІ УТЫРАРҒА ХЫНМААН
28.09.2016
Хабарлар
Я у ирткен тынағ кӱннері олғаннар аразындағы аймах спорт марығларына пай полды. Кӧзідімге алза, кічіг частығ футболисттер Саяногорскта «Тууп меспек» сыйии ӱчӱн хатығ харбазығ апарғаннар.
Хубачардағы волейбол ойнаҷаң спорткомплексте, тізең, Ағбанның паза Хакасияның архиепискобы Ионафанның сыйии ӱчӱн кибірге кір парған регионнар аразындағы марығ ідӧк уғаа хазыр оңдайда ирткені та-ныхталча. Хубачарзар пу турнирде аралазарға чыл сай даа кӱстіг ко-мандалар чыылызадыр.
Олох кӱн «Ағбан» спорткомплексте «В.П.Пономаренконың Кубогы ӱчӱн» волейболҷа регионнар ара-зындағы XI турнир азылған. Сынап Хубачардағы марығда ӧӧнінде хызы-ҷахтар ла араласхан полза, Ағбан-дағы турнирде оолағастарның даа командалары сыйых ӱчӱн хазыр хар-базығ апарғаннар.
- Владимир Палович Пономаренко позы даа чахсы спортсмен полған. Че олғаннар аразында марығлар иртірерге, палаларны спортнаң ай-ғастырарға хынҷаң. Аннаңар аның хумартхызына чарыдылған волей-болҷа турнир чыл сай иртірчебіс, -чоохтапча «Ағбан» спорткомплекстің директоры В.К.Кретов.
Ағбанзар пӱӱл Новосибирск паза Кемеров областьтарынаң, Хызылчар крайынаң командалар килділер. Хакасияның прай даа аймахтары паза городтары постарының коман-даларын кибірге кір парған турнирде аралазарға ысханнар. 14-15 частығ хызыҷағастар паза оолағастар пу марығда араласханнарын хаҷан даа ундутпастар. Турнирні пайрам кибір-ли азарында Хакасияда ааллап-чатхан Олимп ойыннарының чем-пионнары араласханнар нооза. Саб-лығ спортсменнер полған на оола-ғаснаң паза хызыҷағаснаң хол ту-дысханнар, пір-ікі сӧснең алызарға маңнан турғаннар.
Автор :
Анатолий СУЛТРЕКОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде