ХАКАСИЯ ПАЗЫНЫҢ ПОЛНОМОЧИЕЛІГ КІЗІЗІНЕ ТАТЬЯНА РАМЕНСКАЯ ТУРҒЫЗЫЛҒАН
05.10.2016
Хабарлар
Хакасияның пазы Виктор Зимин муниципальнай пӱдістернең тоғынҷаң полномочиеліг кізізіне Татьяна Раменскаяны турғызарға чарадығ алған.
- Ӧріністіг, піссер профессионаллар килчеткенде, - теен Виктор Зимин, наа устағҷынаң тоғазып. - Сірерге оң ползын тіп алғапчам.
Регион устағҷызы республиканың муниципальнай пӱдістерінең хада ӧӧн чуртас-экономика сурығларынҷа, кирек искіріглернең алызарынҷа, оларға чӧптернең полызарынҷа ӧткін арах тоғынарға киректелчеткенін таныхтаан.
Татьяна Раменская 8 декабрьда 1960 чылда Хызылчар крайының Советскай аймааның Урман аалында тӧреен. 1983 чылда Ағбандағы ӱгретчілер институдын «Англия паза немец тіллері ӱгретчізі» специальностьча тоосхан, 2008 чылда - Сибирьдегі хазна службазы академиязын «Хазна паза муниципальнай устаа» специальностьча.
Татьяна Раменскаяның опыды улуғ, аймах-пасха должностьтарда істенген. Нинҷе-де тус ӱгредіг сферазында тоғынған, онҷа чыл Алтай аймааның администрация пазының орынҷызы полып істенген.
2007 чылдаң сығара хазна ӱлгӱзі органнарында тоғынған. Республиканың ӱгредіг министерствозында пӧлік пастығы полған, национальнай политика министерствозында - министр орынҷызы.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде