ПИК ХАЗЫХТЫҒ ЧОН - КӰСТІГ ЧОН
18.10.2016
Хабарлар
Ирткен неделяда «Социальная справедливость» тоғысчы ӧме, Палыхтығ суғ аалзар чорыхха сығып, андағы имнег туразында тоғазығ иртірген. Хакасияның хазых хайраплаҷаң министерствозының, Асхыс аймааның ӧӧн имнег туразының, поселок администрациязының кізілері хазых хайраллирынҷа Палыхтығ суғдағы ағырсымнығ сурығларны ӱзӱргеннер. Ідӧк чоох парған посёлоктағы имнег киреен тилідерінеңер.
Ӧӧн сурығларның пірсі - наа имнег туразын, чуртасха киріп, тоғындырары. Аның пӱдірии 2017 чылда тоозылар. Хакасия пазы Виктор Зиминнің чахиинаң регион бюджедінде наа имнег туразына ахча читкіҷе кӧріл парған. Имнег туразы 25 орыннығ, поликлиниказында Палыхтығ суғ аалның паза хонҷых кічіг паза ыраххы аалларның чуртағҷылары хазыхтарын сыныхтанарлар.
Пӱӱл сентябрьдаң сығара Палыхтығ суғның имнег туразында чиит терапевт тоғынча. Ол Кемеровтағы имнег вузын тоосхан. Чиит специалистті аалларға кӧріл парған социальнай полызығлар полызиинаң пеер тоғысха чӧптеп алғабыс: «Земский доктор» программа (пip хати 1 миллион салковай пирілче); чуртты арендаа суурған ӱчӱн ахча айландырылча, Хакасияның имнег организациязынзар пастағызын на тоғынарға кірзе, 150 муң салковай подъемнай тӧлег пирілче.
Амды тіс имнирінҷе полызығ ағырсымнығ сурығ полып халча. Tiс имҷізі паза наа оборудование чоғыл. Хазых хайраллаҷаң министерство Палыхтығ суғ аалның имнег туразынзар тіс имнеҷең бригаданы ызарға чарадығ алған.
Автор :
Хакасияның хазых хайраллаҷаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы