ИМНЕГ ПОЛЫЗИИ ХЫЗЫЛЧАРДА ПИРІЛЕР
18.10.2016
Хабарлар
Хакасияның хазых хайраллаҷаң министрі Наталья Коган Хызылчардағы «ФМБА-ның Сибирьдегі федеральнай наука паза клиника кіні» имнег учреждениезінде тоғыс чорығынаң пол килген.
Анда Хакасияның хазых хайраллаҷаң министерствозының паза ФМБА-ның Сибирьдегі федеральнай наука паза клиника кінінің аразында кізінің ағырығ органнарын алыстырар сурығ хоостыра чӧптезігде хол салылған.
Чӧптезіг хоостыра, Хакасияның чуртағҷыларына «кізінің органнарын алыстырары» профиль хоостыра пӧзік технологиялығ имнег полызии пирілер.
- Россияның ФМБА-зының тоғынҷылары тилітчеткен кӧстег кізінің органнарын алыстырарға кирексіпчеткен Хакасиядағы пациенттерге толдыра чуртасха айланарға оңдай пирче, - таныхтаан Наталья Коган. - Мының алнында ағырығ кізілерні мындағ операцияа Москвазар ысчаңнар.
Амды чӧптезіг хоостыра Хакасияның чуртағҷылары Хызылчардағы клиникада санға алылчалар. Кирек донор органы табыл парзох, пациентті сах андох андар операцияа апарарлар.
- Россияның ФМБА-зынаң піс ӱс кӧстегҷе тоғынчабыс: кізінің органнарын алыстырарынҷа, хирургияҷа, инсульт соонаң ағырығ кізілерге имнег полызиин пирерінҷе, - теен Хакасияның хазых хайраллаҷаң министрі.
Наталья Коган ФМБА-ның Сибирьдегі федеральнай наука паза клиника кінінде пӱгӱректерін алыстырған соонда имненчеткен Хакасия чуртағҷыларынаң тоғасхан. Министр оларға табырах хазыхтанарға алғаан паза, ибзер айланған соонда, хайдағ имнернең имненерінҷе чӧптер пирген.
Автор :
Хакасияның хазых хайраллаҷаң министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы