ВИКТОР ЗИМИН: «ЧӦПТЕЗІГЛЕР ТӰЗІМНІГ ИРТКЕН ТІП САНАПЧАМ»
01.11.2016
Хабарлар
Хакасияның пазы Виктор Зимин Абазадағы рудниксер инвестиция кирер сурығҷа ЕВРАЗ компанияның устағ-пастаанаң ирткен чӧптезіглернің салтарларынаңар чоохтап пирген.
Компанияның директорлар чӧбінің кнезі Александр Абрамовнаң тоғазығ ирткен неделяда Москвада ирткен.
Виктор Зимин чӧптезіглер тӱзімніг ирткенін таныхтаан.
- Александр Григорьевич Абрамовха республикаа, пістің тағ-руда комплексiне чахсы хайчатханы ӱчӱн алғызым читірчем. Піс Абазадағы рудникке хабасчаң оңдайларны ӱзӱргебіс. Кӧзідімге, предприятиее ікі чӱс метр тиреңде руда анир орын пӱдірерін тоозарына инвестиция оңдайынаң ахча позыдарын. Ол ахчаның кӧп чардығы тиреңде иртчең орыннар хазарына киректелчеткен оборудование аларына парар. Руданы наа орында аниры рудникке онарлап чыллар тузімніг тоғынарға оңдай пирер, ағаа хоза, руданың качествозын чахсыландырыбызар. Піс ідӧк руданы ал турарынӌа контракттарны хайраллап халардаңар чӧптезіп алғабыс.
Пу тоғазығ чӧптезіглернің пастағы чардығы полча. Анзына піс республика правительствозының экономика блогы паза предприятиенің устағ-пастаа азынада улуғ тоғыс иткен сылтаанда читкебіс. Абазадағы паза Тӧӧ пазындағы рудниктернең амды республика устапча, аныҷаң наа орынны тоғындырарынҷа план тимнелген, руданы анирының турчатхан паазын тӱзірерінҷе тоғыс узарадылча. Пістің тоғазығның салтарларынҷа специалисттер чағынғы туста инвестиция займын ал полар оңдайларны чахсаан кӧрібізерлер. Піс ідӧк рудникке киректелчеткен оборудованиені алӌаң аймах оңдайлардаңар чоохтасхабыс. Абазадағы тағ-руда предприятиезінің сидіксіністерін пӧгерінҷе тоғыс узарадылча, - теен Хакасияның пазы.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде