Ӱлӱкӱннең, аарлығ чир-суғҷылар!
03.11.2016
Хабарлар
Хакас Республиканың Правительствозы паза Ӧӧркі Чӧбі республика чуртағӌыларын чылығ алғыстапчалар тиксі хазна ӱлӱкӱнінең - Чон пірікчеткен кӱннең!
Пу ӱлӱкӱн - чон пірге полғанының, Ада чир-суубысха хынызыбыстың тании. Ол прай чуртағҷыларны, политикадағы паза киртіністегі кӧрістеріне хайбин, піріктірче. Ол хазнабыс ӱчӱн поғдархасты, аның ӧңненізі ӱчӱн істенерге тимде полғаныбысты, тӧреен чирібіске, сӧбіребіске, туған-чағыннарыбысха хынысты кӧзітче.
Пістің пір Чир-суубыс - ол Россия. Піс аның пӱӱнгі паза таңдағы чуртазы ӱчӱн нандырығлығбыс. Пістің палаларыбыс паза пархаларыбыс ӧңненчеткен хазнада чуртирына піске ам даа кӧп ниме ит саларға кирек.
Пу чалахай кӱнде прайзына пик хазых, наа чидіглер паза чахсы чуртас алғапчабыс! Сірернің сӧбіреңерде хаӌан даа амыр чуртас ползын, полған на наа кӱн ӧрініс ағылзын! Ӱлӱкӱннең, аарлығ чир-суғӌылар, Чон пірікчеткен кӱннең!
В.М. Зимин. Хакасияның пазы -Хакасияның Правительство кнезі
В.Н.Штыгашев. Хакасияның Ӧӧркі Чӧп кнезі
Хакасияның аарлығ чуртағҷылары!
Прай чӱреемнең алғыстапчам сірерні Чон пірікчеткен кӱннең!
Ол - амғы Россияның ӧӧн хазна ӱлӱкӱннерінің пірсі. Ол прай россияннарны, пістің республиканың прай чуртағҷыларын піріктірче - пос Чир-сууна хыныста, национальнай кибірлерге паза аарлалчатхан нимелерге сибер хайарында, ӧбекелерібістің матыр киректерін хумартхылирында.
Россияның илбек тархыны кӧзітче, пістің чонның кӱзі - пірге полғаныбыста, тиксі туза ӱчӱн постың чуртазын пир саларға тимде полчатханыбыста. Мининнің паза Пожарскийнің ол паалаӌаа чох сарилары чонны чыып аларға паза хазнаның пос чуртазын ал халарға полыс пиргеннер. Пӱӱн пірге полғаныбыс, пір кӧстеглерібіс паза пӧгіннерібіс піске тӧреен Хакасиябысха паза тиксі хазнаа туза ағылып істенерге полысчалар.
Россияның ӱлӱзінде араласчатханыбыс, аның пӱӱнгізі паза таңдағызы ӱчӱн нандырығлығ полчатханыбыс піске таңдағы кӱнзер ізеніснең кӧрерге, кӱстіг паза ӧңненчеткен хазна пӱдірерге полысча.
Прайзына пик хазых, чахсы паза амыр чуртас алғапчам!
Н.С. Максимова. Россия Федерациязының Хазна Думазының депутады
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде