ВИКТОР ЗИМИН ЧУРТАҒҶЫЛАРНАҢ ТОҒАСХАН
08.11.2016
Хабарлар
Хакасияның пазы Виктор Зимин Россия президентінің приемнайынзар полызығ суpaп айланған чуртағҷыларнаң тоғасхан.
Алтай аймаандағы Киров аалның чуртағӌылары прай улуғ частығларның адынаң айланғаннар.
- Пістің аалда кӧп улуғ частығлар чуртапча, кӱстері оларның чоғыл. Автобус тохтаӌаң орынзар чӧрерге ырах, ікіҷе километр. Чарабас па автобус маршрудын аал ортызына теере узарадыбызарға? - сурынысты чарыт пиргеннер Галина Логинова паза Александр Чалых.
Тоғазығда ідӧк Алтай аймааның пазы Владимир Пономаренко паза Хакасияның транспорт паза чол хонии министерствозының кізізі араласханнар. Олар Хакасияның пазына маршрутты узарадарынаң сидіксіністер чоғыл тіп искіргеннер. Орама чалбах, автобусха нандыра айланӌаң орын пар. Пу сурығ пу чағында пӧгіл парар. Наа тохтағны Хакасияның транспорт паза чол хонии министерствозы пазағы неделя аразына турғыс саларға молҷаан.
Ікінҷі айланыс ӧӧнінде алғыстасха тӧӧй полған. Пӱӱл чайғызын Ағбан пилтірінің чуртағҷызы, пастағы группа кинегі Ольга Тищенко чурт чох халған. Хорғыстығ чобағ аның ибінзер пір туста килген: пастап ӧртте аның пабазы ӱреп парған, нинҷе-де кӱн пазынаң аның туразы кӧй парған. Ипчі паза аның тӧрт частью оолағы тасхар хала парғаннар.
Хакасияның пазы, регионда экономика кирее сидік полғанына кӧрбин, республиканың резерв фондынаң чурт аларына ахча позыдарға чарадығ алған.
- Паза пасха оңдай чох полған. Холыңарда кинек пала, Сірернің дее хазииңарнаң сидіксіністер, чурт чоғыл. Пу оңдайларда піс сірерні тасхар артыс полбасчыхпыс, - теен Виктор Зимин, Ольга Тищенконаң тоғасханда.
Ипчі пу тоғазыға республика устағӌызына алғызын читірерге килген, сидік туста полыс пирген ӱчӱн.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде