ИНСУЛЬТТАР САНЫ ХЫЗЫРЫЛЧА
08.11.2016
Хабарлар
Имҷілернің искіриинең, 2016 чылның 9 айы аразына Хакасияда 1482 инсульт ілезіне сығарылған. Пу сан, ирткен чылның олох тузынаң тиңнестірзе, тӧбін арах.
Инсульттаң ӱрееннернің паза кинек пол парғаннарның санын хызырар пӧгіннең, Ағбанның паза Саяногорсктың имнег тураларында пастағы полызығ пирҷең чӱрек-тамырлар кіннері тӧстелгеннер. Ідӧк Г.Я. Ремишевскаяның адынаң республиканың имнег туразындағы чурек-тамырлар кіні тӱзімніг тоғынча. Андар неврология, нейрохирургия, эндоваскулярнай хирургия пӧліктері кірчелер. Мында ангиограф аппарат полызиинаң кізі миизіне пӧзік технологиялар тузаланылчатхан сидік операциялар иртірілчелер.
Инсульт пол парза, кізінің чуртазын ал халарына имҷілернің 4,5 час ла пар. Аннаңар сах андох табырах имнег полызиин хығырарға кирек. Инсультты піліп алар ӱчӱн, аның пілдіріглерін пілерге кирек. Кізінің холы хыймырабиныбысса, чооғы сайбалыбысса - ол инсульт ағырығ. Имӌізер табырах айланарға кирек, тузында айланғаны кізінің хазиин, чуртазын ал халарына ізеніс пирче.
Автор :
Хакасияның хазых хайраллаӌаң министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде