ЧИҢӀСНЕҢ АЛҒЫСТАПЧАБЫС!
09.11.2016
Хабарлар
Ағбандағы С.П.Кадышевтің адынаң культура кінінің «Час ханат» олған эстрада студиязы Новосибирсктең тӧрт сыйых ағыл килді. Анда хореография искусствозының «Ритмнер калейдоскобы» Сибирьдегі фестиваль ирткен.
«Ритмнер калейдоскобы» фестиваль 10 чыл азыра пӧзік синде иртірілче. Аның ӧӧн пӧгіні - хореографияны тилідері паза ӧсчеткен тӧлні искусстваа кӧніктірері.
Пу проект кӱстіг чайаачы ӧмелерні піріктірче. Анда чоннар аразындағы, тиксі Россиядағы паза регионнардағы марығларда паза фестивальларда чиңісчі полыбысхан СФО-дағы лауреаттар, ансамбльлар, ӧмелер араласчалар. Фестивальда чыл сай наа таланттар тӧріпче.
«Ритмнер калейдоскобы-2016» марығда теелбек салӌаң 74 олған ӧмезі араласхан. Жюридегілер 300 азыра хореография номерін ікі неделя паалааннар. Фестиваль пис номинацияа чарылған. Чиңісчілерге Гран-при, лауреат паза I, II, III степеньніг дипломант аттар пирілген. «Час ханат» олған эстрада студиязы мындағ номинацияларда тӧрт пӧзік сыйых алған:
«Чон теелбегі (9 - 12 частығлар)» - I степеньніг диплом, балетмейстер - Алёна Тимофеева; «Чон теелбегі (13 - 15 частығлар)» - I степеньніг диплом, балетмейстер - Анна Тинникова; «Эстрада теелбегі (9 - 12 частығлар)» - I степеньніг диплом, балетмейстер - Алёна Тимофеева; «Эстрада теелбегі (13 - 15 частығлар)» - II степеньніг диплом, балетмейстер - Анна Тинникова.
Устағӌыларына алғыстас пічии читірілген.
- «Час ханат» студияның араласчыларын паза ӱгретчілерін пӧзік чайаачы чиңіснең алғыстапчабыс. Мыннаң мындар сірердең андағох чидіглер сахтапчабыс», алғыстапча С.П.Кадышевтің адынаң культура кінінің директоры Наталья Карачакова.
Автор :
С.П.Кадышевтің адынаң культура кіні
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде