ХАКАС ТІЛІ ӰГРЕТЧІЛЕРІНІҢ ЧЫЫЛИИ
22.11.2016
Хабарлар
Пу кӱннерде Ағбанда Хакасияның ӱгредігні тилітчең паза ӱгретчілер узын кӧдірҷең института (ХакИРО) хакас тілі паза литература ӱгретчілерінің республика синіндегі семинары ирткен.
Анда 10-11 класстарға хакас тілі паза литература учебниктерінеңер чоохтасханнар паза хоос тексттерні ӱзӱргеннер. Ӱгретчілернең тоғазарға килгеннер НФ. Катановтың адынаң Хакас хазна университедінің хакас филология кафедразының устағҷызы, филология наукаларының кандидады Инга Людовиковна Кызласова, ХГУ-ның гуманитарнай істезіглер паза Сойан-Алтай тюркология институдының наука тоғынҷызы паза ӱр ниместе филология наукаларының докторы аарластығ атха турысхан Мария Дмитриевна Чертыкова, Хакас книга издательствозының тоғынҷызы, хакас тілі паза литература учебниктерінің авторы, педагогика наукаларының кандидады Мария Петровна Боргоякова. ХакИРО-ның хакас тілі паза хакас литературазының методизі Надежда Ананьевна Мамышева араласхан, олох пу семинарны апарған.
Ӱгредіг семинарында прай 22 кізі араласхан. Мындағ тоғазығлар хаҷан даа тӱзімніг иртчелер. Хакас тілінің пайын паза чазыттарын улам тирең піліп алар оңдайлар пар.
Автор :
Илья ТОПОЕВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде