ЧУРТАҒҶЫЛАРНЫ СААЙЛАРДАҢ АРАЧЫЛИРЫНДА УЛУҒ ТОҒЫС ИДІЛГЕН
23.11.2016
Хабарлар
Республика устағӌызы Виктор Зимин «Байкал» автомобиль чолларының федеральнай устаа пастығы Сергей Аникиннең тоғыс хоостыра тоғасхан. Тоғазығда Сергей Александрович хысхаҷахти 2016 чылдағы тоғыс салтарларынаң таныстырған паза килер чылда Хакасияда хайдағ тоғыстар апарарға пӧгінчеткеннерінең ӱлескен.
Иң пастап «Байкалуправтодорның» устағӌызы пу чылға кӧрілген тоғыстарның прайзын толдырыбызарға киліспеенінеңер искірген. Анзына сылтағлар пар. «Сибмост» подряднай пірігіс амғы туста ахча саринаң улуғ сидіксініске кір партыр, аннаңар 2016 чылға кӧрілген прай тоғысты толдыр полбаан осхас. Салтарында Ағбан суғ кизіре тахта читіре пӱдірілбиндір. Амды ол киректі чапчаң тӱзетчең оңдайлар тілепчелер.
- Сірерге минің полызиим киректелчетсе, мин хабазарға тимдебін, - таныхтаан Виктор Зимин. Чахсы хабар полған пазағы чылда Расцвет аалдаң сығара Ағбан городха читіре чолда тасхархы чарытхы идері кӧрілчеткені. Андағох чарытхылар Кӧк хайа аал хыринда турғызылар.
Виктор Зимин Сергей Аникинге иділген тоғыс ӱчӱн алғызын читірген:
- Алынча алғыс сірерге Расцвет ӱчӱн. Пістің чуртағчыларны чолдағы саайлардаң арачылирына прай ниме ит салғазар. Пӱӱн піс кӧрчебіс, ол орында саайлар полбин сыххан. Чазағ чӧрчеткеннерге чолны хорғыс чох кисчең оңдайлар иділгенде, піс кізілерні чідірбин сыххабыс.
Виктор Зимин ідӧк алынӌа алғызын читірген ол федеральнай трассаны тростарнаң сиденнирге чарадығ алылғаны ӱчӱн.
- Республика аалҷылары, піссер киліп, піс цивилизациялығ регионда чуртапчатханыбысты, чахсы чолларча чӧрчеткенібісті кӧрчелер. Анзы кізілернің кӧңнін кӧдірче. Ол кӧп машиналар чӧрчеткен участокта чарытхы турғызылза, чуртағчыларның кӧңні улам кӧдірілер, - салтарлар иткен Виктор Зимин.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде