ПӰДІРІГҶІЛЕР САНЫ ХОЗЫЛҒАН
30.11.2016
Хабарлар
28 ноябрь иирде Хакасияның пазы Виктор Зимин Ағбан городта 150 орынға пӱдірілчеткен перинатальнай кінде кӧрілбеен штаб чыылиин иртірген. Регион устағҷызы таниинаң, ӧӧн подрядчик инженер-техника паза устағҷылар санын хозарынӌа чӧптерні табырах толдырған:
- Объекттегі тоғыстар хатығ хайығ киректепче. Хазна заказчигi дее, толдырығҷылар даа пілчелер, пӱдірігні пӱӱл, тоозып, имҷілерге пирібізерге кирек. Сурынчам, тоғысты табырах толдырарға, пӱдіріг материалларын читкіӌе пирерге, тоғысты пір минутаа даа тохтатпасха.
Пӱӱнгі туста кіннің пастағы блогы имнег оборудованиезін турғызарына пирілген. Штаб араласчылары оборудование турғызылчатхан нинӌе-де пӧлікті кӧргеннер, ідӧк оборудованиенi турғысчатхан специалисттернең чоохтасханнар.
Виктор Зимин теестегі чыылығны пӱдірігде перинатальнай кіннің устағ-пастаанаң, пӧліктер устағӌыларынаң хада декабрьның пастағы кӱннерінде иртірерге чӧптеен.
Автор :
"Хабар"
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде