САБЛЫҒ ЫРҶЫЛАРНЫҢ ПОЛЫЗИИ
30.11.2016
Хабарлар
Мариинскай театрның ырҷылары Россияның саблығ артизі Татьяна Павловская паза Башкортостанның чон артизі Аскар Абдразаков Орджоникидзе аймаандағы Хоғай паза Хоӌых аалларға пазох улуғ сыйых ит пиргеннер.
Чайаачы устар пирген 900 муң салковайға аалларда ӧрттер соонда пӱдірілген социо-культурнай кіннерзер наа компьютерлер, видеопроектерлер, одырчыхтар, столлар паза шкафтар алылғаннар.
Таныхтирға кирек, опера сценазының чылтыстары аалдағыларға мындағ сыйых пастағызын на итпинчелер. Часхызын олар пу культура учреждениелерінзер шкафтар, диваннар, столлар, стуллар аларға полыс пиргеннер, сентябрьда, тізең, 486 муң салковайға музыка оборудованиезін сыйлааннар. Хакасияның культура министрі Светлана Окольникованың таниинаң, наа оборудованиені Татьяна Геннадьевнанаң Аскар Амирович Республика кӱніне чарыдылған концерт ӱчӱн пирген гонорар ахчазына алғаннар. Хоғай паза Хоӌых аалларның чуртағӌылары саблығ артисттерге улуғ алғыстарын читірчелер.
Автор :
Хакасияның культура министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Россияда
Тилекейде