СТУДЕНТТЕРГЕ ТУЗАЛЫҒ ЧӦПТЕР ПИРІЛГЕН
06.12.2016
Хабарлар
Ирткен неделяда Хакасияның культура министрi Светлана Окольникова Санкт-Петербургта Россияның сцена искусстволарының хазна институдында ӱгренчеткен студенттернең тоғасхан.
Светлана Окольникованаң хада тоғазығда Хакасияның Санкт-Петербургтағы тӧреміл представительствозының пӧлік устағӌызы Алексей Макеев паза Россияның саблығ артизі, Мариинскай театрның ырӌызы Татьяна Павловская араласханнар.
Светлана Анатольевнаның чооғынаң, мының алнында актёр курстарын алынӌа театрларға тимнеӌеңнер, амғы студенттер, тізең, институт тоосхан соонда республиканың «Читіген», «Нымах», Хакас паза Орыс драма театрларында істенерлер.
Хакасиядаң парған 25 студент амды ікінӌі курста ӱгренче, оларның 15-зі пілістерні очно алча, 8 - заочно. Ікі кізі Санкт-Петербургтағы институтсар кірер алнында ВУЗ тоозыбызарға маңнантыр, амды олар ікінҷі пӧзік ӱгредіг алчалар. Курсты Россия культуразының саблығ тоғынӌызы, профессор Владимир Норенко апарча. Владимир Васильевичтің холында кӧп хакас артист ӱгренген, саблығ профессор пирген тирең пілістер пістің чайаачы устарға маңнаныстығ тоғынарға полысча.
Студент Власта Чебодаеваның таниинаң, тоғазығ уғаа чылығ ирткен. Аалӌылар чиит чайаачыларға ӱгредіг хоостыра кӧп тузалығ чӧптер пиргеннер.
Автор :
Хакасияның культура министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде