УПОЛНОМОЧЕННАЙНЫ ТАБАРҒА МАРЫҒ ЧАРЛАЛАР
03.02.2017
Хабарлар
Хакасия парламентінің устағҷызы Владимир Штыгашев Ӧӧркі Чӧп президиумының теестегі чыылиин иртірген. Депутаттар пу чыылығда 6 сурығ кӧрібіскеннер.
Сурығларның пірсі Хакас Республикадағы пала праволарынҷа уполномоченнайны табар пӧгіннең марығ иртірілчеткенінеңер СМИ-ларда чарлирдаңар полған. Ӧӧркі Чӧптің культураҷа, ӱгредігҷе паза наукаҷа комитедінің кнезі Лариса Карпова, пу сурығҷа чоох тудып, амғы уполномоченнай полчатхан Сергей Сапеевтің полномочиелері 28 мартта тоозылча тіп чарытхан. Закон хоостыра наа марығ иртірілче. Ӧӧркі Чӧп президиумы марығдаңар чарлағны пу чағында сығарыбызарға чарадығ алған.
Ідӧк депутаттар федеральнай закон проекттеріне ӱндезер сурығларны кӧрібіскеннер. Закон проекттерінің пірсі тағ тоғыстарын апарчатхан объекттерде арачылағны апарар полномочиелерні пір холға пир саларынаң палғалыстығ полған. Хайди чарытхан Ӧӧркі Чӧптің кнезі Владимир Штыгашев, мының алнында Совет Союзы тузында полған на шахтада арачылағҷылар частьы (ВГСЧ) пар полҷаң. Амғы ээлер, ахчаларын ӱзӱрлеп, оларны чох идібіскеннер. Сағыбаан саайларға кір парчатхан шахтерларны, тізең, хайди-да арачылирға кирек. Аннаңар андағ арачылағ тоғыстарын апарҷаң полномочиелерні Россия МЧС-ының холына пир саларға пӧгінчелер. Ӧӧркі Чӧп президиумы ол федеральнай закон проектіне хабазарға чарат салған.
Автор :
Альберт ТОЛМАШОВ
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде